प्रधानमन्त्रीले आश्वासन बाड्दा देउवालाई आपत, स्थानिय चुनाव गर्न खोज्दा पौडेलको बिरोध

Posted on: June 08, 2016 | views: 266

२६ जेठ, काठमाडौं ।
नेपाली काँग्रेसका सभापति शेरबहादुर देउवाले जनतालाई झुटा आश्वासन बाँडेर देश चल्न नसक्ने बताएका छन् ।

पार्टीको तर्फबाट सगरमाथा आरोहीलाई राखेको सम्मान कार्यक्रममा बोल्दै सभाापति देउवाले संविधान कार्यान्वयन गरेर मुलुकलाई विकासको बाटोमा लैजानुपर्नेमा प्रधानमन्त्रीले झुटो सपना बाँड्दै हिँडेको आरोप लगाए ।

सभापति देउवाले वर्तमान सरकारले जनताबाट उठेको कर र विदेशबाट आएको पैसा भूकम्पपीडितको नाममा गैरसरकारी क्षेत्रमार्फत बाँडेर दुरुपयोग गर्न खोजेको बताए ।

सोही कार्यक्रममा बोल्दै काँग्रेस वरिष्ठ नेता रामचन्द्र पौडेलले वर्तमान सरकार संविधान कार्यान्वयनलाई छाडेर चुनाव गर्न खोजेको भन्दै दुःख व्यक्त गरे ।

उनले यसले मुलुकलाई अर्को अनिश्चयतातर्फ धकेल्ने खोजेको बिचार राखे ।