दलहरुबिच कुरा नमिल्दा संघियता देखी स्थानिय चुनावमा ढिलाई ज्ञवाली

Posted on: June 08, 2016 | views: 181

२६ जेठ, काठमाडौं ।
नेकपा एमालेका सचिव प्रदीप ज्ञवालीले प्रमुख राजनीतिक दलहरुबीच एकता कायम हुन नसक्दा प्रादेशिक सीमा निर्धारण, स्थानीय निकाय निर्वाचन, कानुन निर्माण गर्ने काममा ढिलाइ हुँदै गएको बताउनुभएको छ ।

आज काठमाडौंमा गरेको साक्षात्कारमा उहाँले राष्ट्रिय सहमतिको सरकार नबने यही सरकार २०७४ माघसम्म रहने भएकाले संविधान कार्यान्वयनको मुद्धामा एकजुट हुनुको विकल्प नरहेको बताउनु भयो ।

नेपाली काँग्रेसका नेता डा मीनेन्द्र रिजालले संविधान कार्यान्वयनमा वर्तमान सरकार गम्भीर नबनेकाले संसद्को सबैभन्दा ठूलो दल नेपाली काँग्रेसले नेतृत्वदायी भूमिका खेल्ने बताउनु भयो ।

उहाँले भूकम्पपछिको पुनःनिर्माण कार्यमा सरकारले ढिलाइ गरेको आरोपसमेत लगाउनुभयो ।

नेपाल सद्भावना पार्टीका सहअध्यक्ष लक्ष्मणलाल कर्णले परिणाममुखी वार्ताका लागि वातावरण सिर्जना गरिए आफूहरु वार्तामा बस्न तयार रहेको बताउनु भयो ।