युवाहरु स्वदेशमै आत्मनिर्भर र पौरखी बन्नेतर्फ लाग्नुस्-प्रधानमन्त्री

Posted on: June 06, 2016 | views: 429

२४ जेठ, काठमाडौं ।
प्रधानमन्त्री केपी शर्मा ओलीले स्वदेशमै आत्मनिर्भर हुन र पौरखी बन्नेतर्फ लाग्न युवाहरुलाई आग्रह गर्नु भएको छ ।

नेपाल घरेलु तथा साना उद्योग महासङ्घको २३औ राष्ट्रिय महाधिवेशनको आज काठमाण्डौमा उद्घाटन गर्दै प्रधानमन्त्री ओलीले रोजगारीका लागि बिदेसिनुको विकल्प रहेन नभनि आत्मनिर्भर र पौरखी वन्न युवालाई आग्रह गर्नुभयो ।


प्रधानमन्त्री ओलीले सरकारको नीति तथा कार्यक्रम र बजेट स्वदेशमा रोजगारी सिर्जना गर्न नै केन्द्रित रहेको र त्यसका लागि घरेलु तथा साना उद्योग, कृषि, र पर्यटन क्षेत्रमा युवा वर्गलाई आकर्षित गर्न जोड दिएको वताउनुभयो ।


प्रधानमन्त्री ओलीले देशमा परनिर्भता अन्त्य गर्न घरेलु तथा साना उद्योगबाट मात्र सम्भव रहेको वताउनुभयो ।