मधेशी मोर्चा संसद बहिस्कार गर्दै भत्ता थाप्दै

Posted on: June 01, 2016 | views: 285

१९ जेठ, काठमाडौं ।
व्यवस्थापिका–संसद्को आजको बैठक संयुक्त लोकतान्त्रिक मधेसी मोर्चाले बहिस्कार गरेको छ ।

बैठकको प्रारम्भ हुनासाथ मोर्चासँग सम्बन्धित दलका सदस्य आ–आफ्नो ठाउँबाट उठेर विरोध जनाएपछि सभामुख ओनसरी घर्तीले नेपाली जनता दलका सांसद हरिचरण साहलाई बोल्नका लागि समय प्रदान गर्नुभएको थियो ।
 
बैठकमा उहाँले लामो समयदेखि जारी आन्दोलनलाई बेवास्ता गरिएको भनी आपत्ति जनाउँदै आफूहरुले उठाएको मागलाई सम्बोधन नगरिएकाले आजको बैठक बहिस्कार गरेको घोषणा गर्नुभयो ।  

त्यस सँगै मोर्चासँग आबद्ध सांसद बैठकबाट बाहिरिएका थिए । बैठकमा उपस्थित भएर बाहिरिएपनि मोर्चाका सबै नेताले संसद बहिस्कार गर्दै ६ महिना नाकाबन्दीमा भारतलाई सहयोग गरेको समय देखीको समेत भत्ता बुझेर लिइसकेका छन् ।