ओलीलाई माकुनेको व्यंग्य-'सगरमाथादेखि दार्चुलासम्म केबुलकार जोडौं'

Posted on: May 25, 2016 | views: 330

१२ जेठ, काठमाडौं ।
नेकपा एमालेका नेता माधवकुमार नेपालले प्रधानमन्त्री केपी शर्मा ओलीलाई सुहाउँदा र सक्ने सपना मात्रै देख्न आग्रह गरेका छन्।

नपत्याउँदा सपना बाँडेर माजाकको पात्र नबन्न उनले आफ्नै दलका अध्यक्षसमेत रहेका प्रधानमन्त्री ओलीलाई सुझाएका खबर आजको नयाँ पत्रिकासहित अधिकांश पत्रपत्रिकामा छापिएको छ।

प्रधानमन्त्रीले एकपछि अर्को विकासका योजना घोषणा गर्दै गएकोमा मंगलबार मदन भण्डारी अध्ययन केन्द्रले राजधानीमा गरेको कार्यक्रममा नेता नेपालले व्यंग्य गर्दै नेपालले भने,‘ घरघरमा ग्यास पाइप फिट गरिदिने कुरा पनि आएको छ, सपना देख्न पाइन्छ तर यो कुरा सगरमाथाबाट दार्चुलासम्म केबलकार चलाउँछु,विदेशबाट १० करोड पर्यटक भित्र्याउँछु भनेजस्तै हो ।
सपना देख्नुपर्छ, सपना देख्नु राम्रो पनि हो तर त्यो यथार्थ र तथ्यसंगत हुनुपर्छ।’