प्रचण्डलाई तीन दिन भित्र अदालतमा उपस्थित हुन सर्वोच्चको आदेश

Posted on: May 24, 2016 | views: 218

काठमाडौं,जेठ ११ । सर्वोच्च अदालतले नेकपा (माओवादी केन्द्र)का अध्यक्ष पुष्पकमल दाहाल प्रचण्डलाई  तीन दिन भित्र अदालतमा उपस्थित हुन आदेश दिएको छ । कामु प्रधानन्यायाधीश सुशीला कार्कीको इजलासले एक सार्वजनिक कार्यक्रममा अदालतको अवहेलना गरेको भन्दै जवाफ सहित उपस्थित हुन आदेश दिएको हो । दाहाल विरुद्ध जेठ ४ गते अदालत अवहेलना मुद्दा दायर भएको थियो। द्वन्द्वकालीन मुद्दामा अदालतले गरेको फैसलाबारे गलत टिप्पणी गरी मानहानी गरेको भन्दै अधिवक्ता दिनेश त्रिपाठीले जेठ ४ मा रिट दायर गरेका थिए।


उक्त रिटको मुद्दामा मंगलवार सुनुवाई हुँदा सर्बोच्चले यस्तो आदेश दिएको हो । गोरखाका कृष्णप्रसाद अधिकारीको हत्या सम्बन्धमा आफ्ना कुनै पनि नेता तथा कार्यकर्तालाई मुद्दा चलाइए विद्रोह गर्ने धम्की दिँदै दाहालले गत भदौ ५ गते 'अदालतको जात के हो ?' भन्ने अभिव्यक्ति दिएका थिए। उक्त अभिब्यक्ति पछि निवेदकले दाहाललाई सर्वोच्च अदालत ऐन २०४८ को दफा ७ बमोजिम अदालतमा उपस्थित गराई हदैसम्म कारबाही गर्न माग गदैृ रिट हालेका थिए ।