शीर्ष नेताकै कारण पार्टीमा गुटबन्दी बढ्यो : महत

Posted on: December 16, 2019 | views: 610

बागलुङ । कांग्रेस केन्द्रीय सदस्य डा. रामशरण महतले पार्टीका शीर्ष नेताहरु गुटबन्दीमा लागेकोमा चिन्ता जनाएका छन् ।

बागलुङ कांग्रेसले सोमबार आयोजना गरेको भेटघाट कार्यक्रममा बोल्दै नेता महतले पार्टीमा गुटबन्दी अझै बढेको बताए । गुटबन्दी अन्त्यका लागि तल्लो तहबाट दवाब सृजना गर्नुपर्ने औंल्याए ।

शिर्ष नेताहरुका कारण पछिल्लो पुस्ता सम्म गुटको प्रभाव बढेको उल्लेख गर्दै गुटबन्दी अन्त्य गरेर एक हुनुपर्ने उनले बताए । 

‘हामी विपक्षसँग लड्ने हो,’ उनले भने, ‘आपसमा त सहमती गरेर अघि बढ्ने हो ।’

पुर्व अर्थमन्त्री समेत रहेका डा. महतले कांग्रेसले ल्याएको खुल्ला अर्थ नीतिलाई अहिलेको सरकारले पनि आत्मसात गरेको बताए । कांग्रेसले बोकेको राजनीतिक विचारमा सवै आउन बाध्य भएको उनले दाबी गरे ।