विप्लवको नेपाल बन्दले जनजीवन प्रभावित, नुवाकोटमा सामान्य प्रभाव

Posted on: April 18, 2019 | views: 599

विदुर । नेपाल कम्युनिष्ट पार्टी नेकपा विप्लव नेतृत्वको समूहले गरेको नेपाल बन्दको कारण मुलुकभरको जनजीवन प्रभावित भएको छ ।
बन्दको कारण नुवाकोटमा पनि बजार क्षेत्र केही खुला भएपनि सार्वजनिक यातायातका साधनहरु ठप्प भएका छन् ।


जिल्लाको मुख्य बजारहरु कोलनी, त्रिशूली, ढुङ्गे, विदुर, बट्टार, देवीघाट, ढिकरे, छहरे, रानीपौवा, बेत्रावती लगातयका स्थानमा केही बजार क्षेत्र खुला भएपनि सवारी साधन नचल्दा खासै चहल पहल देखिएको छैन ।


बन्दको कारण बिहान ९ बजेसम्म कुनै अप्रिय घटना नभएको जिल्ला प्रहरी प्रमुख प्रहरी उपरीक्षक कृष्णबहादुर पल्लिमगरले जानकारी दिनुभयो । बन्द प्रभाव शैक्षिक सँस्थाहरुमा पनि परेको छ । बिहानी सत्रमा सञ्चालन हुने जिल्लाको विभिन्न स्थानमा रहेका क्याम्पसको पढाई प्रभावित भएको छ भने सामुदायिक तथा निजी विद्यालयहरु पनि आंशिक रुपमा मात्र खुलेका छन ।  


बन्दको सयममा बिरामी बोकेका एम्बुलेन्स, पर्यटक, कुटनीतिक नियोग, पत्रकार, तरकारी तथा दुध बोकेका गाडी एंव अति आवश्यक परेका सवारी साधनलाई अबरोध नहुने नेकपाका नुवाकोट सेक्रेटरी बिन्तोष सिलवालले बताउनुभयो ।