आदिवासी जनजाती आयोगको सचिवमा रुद्रसिंह तामाङ चयन

Posted on: November 12, 2018 | views: 406

नुवाकोट । आदिबासी जानजाती आयोगको सचिवमा रुद्रसिंह तामाङ चयन हुनुभएको छ ।


    नेपालको संबिधानले व्यवस्था गरेको आयोगहरुको प्रशासनिक कार्य सञ्चालनको लागी आइतबार बसेको मन्त्रिपरिषद्को बैठकले विभिन्न ६ वटा आयोगको सचिवको जिम्मेवारी तोक्ने क्रममा नेपाल सरकारीका सहसचिव एवम् नुवाकोट थप्रेकका तामाङलाई आदिबासी जानजाती आयोगको सचिवमा नियुक्ती गरेको हो ।



मन्त्री परिषद्को बैठकले राष्ट्रिय दलित अयोगको सचिवमा पुरुषोत्तम नेपाल, राष्ट्रिय समावेशी आयोगको सचिवमा सुरेश अधिकारी, मुस्लिम आयोगको सचिवमा केदारप्रसाद पनेरु, मधेसी आयोगको सचिवमा भूपाल बराल र थारु आयोगको सचिवमा रुपनारायण भट्टराईलाई चयन गरेको हो ।


सचिवको चयन सगै नेपालको संबिधानले व्यवस्था गरे अनुसार लामो समयदेखि रिक्त रहदै आएको आयोगको कार्यालय स्थापना गरेर कार्य सञ्चालनको लागी सहज हुने विश्वास लिएको संघीय मामिला तथा सामान्य प्रशासन मन्त्रालयका प्रवक्ता सुरेश अधिकारीले जानकारी दिनुभएको छ ।