प्रदेस नं. ३ मा नेकपाको एकता मंसिर १५ भित्र सम्पन्न गर्नुपर्ने

Posted on: November 06, 2018 | views: 215

२० कात्तिक, काठमाडौ । नेकपा कम्युनिष्ट पार्टी (नेकपा) प्रदेश नंं ३ ले पार्टी निर्देशनानुसार स्थानीय तहको एकीकरण प्रक्रिया थालेको छ । प्रदेश नं ३ का सचिव आनन्दप्रसाद पोखरेलले पार्टीको निर्देशनानुसार योग्यता र क्षमताका आधारमा स्थानीय तहको प्रक्रिया थालिएको जानकारी दिनुएको छ ।


उहाँका अनुसार चरम विवादको बीच रसुवा र सिन्धुलीमा स्थानीय तहको एकता प्रक्रिया सम्पन्न भएको छ । रसुवा र सिन्धुलीमा नगर÷ गाउँमा सङ्गठन कमिटीको गठन गरिएको नेकपा प्रदेस नं. ३ का सहईञ्चार्ज हितबहादुर तामाङले जानकारी दिनुभएको छ ।
    प्रदेशअन्तर्गत रहेका अन्य जिल्लामा रहेका स्थानीय तहको एकतालाई समेत मङ्सिर १५ गतेभित्र सक्नेगरी सम्बन्धित जिल्ला कमिटीलाई निर्देशनसमेत दिइएको सचिव पोखरेलले बताउनुभएको छ । प्रदेश नं ३ मा १३ जिल्ला कमिटी र चार विशेष कमिटी  रहेका छन् ।  


    प्रधानमन्त्री एवं पार्टी अध्यक्ष केपी शर्मा ओली र अर्का अध्यक्ष पुष्पकमल दाहाल ‘प्रचण्ड’ले गएको असोज ५ गते विशेष परिपत्र जारी गदै प्रदेश इञ्चार्ज, सहइञ्चार्ज, अध्यक्ष र सचिव मनोनयन गर्दै पार्टीको विधान, नियमावली र निर्देशनको मार्गदर्शन एवं विगतको सिफारिशका आधारमा आफ्नो मातहतका जिल्ला कमिटी एकीकरण सम्पन्न गर्नुपर्ने जिम्मा दिनुभएको थियो ।


    सचिव पोखरेलले परिपत्रानुसार पार्टी सदस्यता एकीकृत गर्ने, अभिलेख अद्यावधिक गर्ने एवं प्रदेश, जिल्ला र सो मातहतका विभिन्न तहमा कार्यकर्ता भेला तथा प्रशिक्षण कार्यक्रम सञ्चालन गर्नेजस्ता कार्यक्रम भइरहेको बताउनुभएको छ ।