नेकपाको जिल्ला कार्यालय स्थापना

Posted on: October 12, 2018 | views: 238

नुवाकोट । दुई ठूला बामपार्टी मिलेर एकता भएको नेपाल कम्युनिट पार्टी नेकपाको जिल्ला पार्टी कार्यालय विदुर स्थित साविक एमालेको पार्टी कार्यालयमा स्थापना गरिएको छ ।
    गएको जेठ ३ गते पाटी एक भएको करिब ६ महिनाको अवधि पश्चात एमाले पार्टी कार्यालयमा स्थापना भएको नेकपाको जिल्ला कार्यालयको उद्घाटन कार्तिक २५ गते बिहीबार नेकपा प्रदेस नं ३ का इञ्चार्ज अष्टलक्ष्मी शाक्यले गर्नुभएको हो । नेकपा जिल्ला कार्यालयको अनावरण गर्दै प्रदेस इञ्चार्ज शाक्यले कार्यालय स्थापनाले मात्र संगठन बलियो नहुने भन्दै कार्यकर्तालाई पार्टी जनताको भावना बुझेर सेवा पु-याउन निर्देशन दिनुभएको छ । उहाँले कार्यालयलाई जनप्रिय बनाएर कार्यकर्ताको अपेक्षा पूरा गर्ने थलोको रुपमा जिल्ला कार्यालय स्थापित हुनसक्नुपर्ने बताउनुभएको छ । .


यस्तै, नेकपा प्रदेस नं. ३ का सहइञ्चार्ज हितबहादुर तामाङले दुई पार्टी एक भएसगै नुवाकोटमा बाम बर्चश्व स्थापना गर्न सफल भएकाले चुनावी प्रतिबद्धता अनुसार निर्वाचित भएका जनप्रतिधिले सेवा पु-याएर बाम किल्लालाई कायमै राख्न सक्नुपर्ने बताउनुभएको छ । उहाँले ठूलो पार्टीको हैसियतमा सरकार सञ्चालन र पार्टी एकता एकैसाथ चलाउदाँ उत्पन्न समस्याले केही तल्लोस्तरसम्म एकता ढिलाई भएपनि आगामी दिनमा पनि गति लिएर कार्यकर्ताको चाहना अनुसार अघि बढ्ने विश्वास व्यक्त गर्नुभएको छ । .


पार्टी कार्यालय स्थापनाको अवशरमा नेकपाको नेता नारायाण प्रसाद खतिवडाले मुलुकमा शक्तिशाली पार्टीको रुपमा नेकपा भएकाले यहाँका जनताको सेवा तथा आवश्यकता अनुसार विकासको गतिविधि सञ्चालन गर्न आफूहरु क्रियाशिल हुने बताउनुभएको छ ।


नेकपा गठन भएको करिब ६ महिनापछि स्थापना भएको जिल्ला पार्टी कार्याल साविक एमालेको पार्टी कार्यालयलाई बनाइएको छ भने साविक माओवादी पार्टी कार्यालय रहेको बान्द्र स्थित सहित प्रतिष्ठानलाई भने पाटीको बैठक कार्यालयको रुपमा प्रयोग गर्ने नेकपा जिल्ला अध्यक्ष पुष्प लामिछानेले जानकारी दिनुभएको छ । नेकपाको जिल्ला पार्टी कार्यालय स्थापनामा नेकपाका प्रदेस तथा जिल्ला नेताहरुको सहभागिता रहेको थियो । नुवाकोटपछि रसुवाको जिल्ला कार्यालय स्थापनाको लागी प्रदेस इञ्चार्ज अष्टलक्ष्मी शाक्य सहितको टोली धुञ्चे पुगेको छ ।