तीन मन्त्रालय मागिरहेको फोरमद्धारा ओली सरकारमा सहभागी हुने निर्णय

Posted on: March 06, 2018 | views: 351

काठमाडौं ।

केपी ओली नेतृत्वको सरकारमा सहभागी हुन तीन मन्त्रालय चाहिने माग गरिरहेको संघीय समाजवादी फोरमले सरकारमा भने सहभागी हुने निर्णय गरेको छ ।


केपी शर्मा ओली नेतृत्वको सरकारमा सहभागी हुने निर्णय फोरमको मंगलबार बिहान बसेको पदाधिकारी बैठकले गरेको हो ।


सरकारमा सहभागी हुने निर्णय गरेको सहअध्यक्ष राजेन्द्र श्रेष्ठले जानकारी दिए ।


श्रेष्ठका अनुसार आजको बैठकमा अध्यक्ष उपेन्द्र यादवले सरकारमा सहभागी हुनेबारे भइरहेका वार्ताको ब्रिफिङ गरेका थिए।


यादव फागुन १४ गते नै सरकारमा सहभागी हुन सहमत भएका थिए। त्यो दिन उनी साथीहरुसँग छलफल गरेर आउँछु भन्दै बालुवाटारबाट निस्केका थिए।


यादव सरकारमा जान सहमत भएको ८ दिनपछि पार्टीले औपचारिक निर्णय गरेको हो।