संघिय संसदको पहिलो बैठक फागुन २१ गते आव्हान

Posted on: February 19, 2018 | views: 262

काठमाडौं । राष्ट्रपति विद्यादेवी भण्डारीले फागुन २१ गते सोमवार संघिय संसदको अधिवेशन आव्हान गर्नुभएको छ । सरकारको सिफारिसमा उहाले दुई सातापछि बस्ने गरी पहिलो पटक संघिय संसदको अधिवेशन आव्हान गर्नुभएको हो । विरेन्द्र अन्तराष्ट्रिय सम्मेलन केन्द्र नया बानेश्वरमा अपरान्ह ४ बजेका लागी बैठक बोलाइएको राष्ट्रपति कार्यलयद्धारा जारी विज्ञप्तीमा भनिएको छ । प्रतिनिधिसभा निर्वाचन सम्पन्न भएको करिब तीन महिनापछि संसदको पहिलो अधिवेशन बस्न लागेको हो ।

नयाँ राष्ट्रपति चुन्न फागुन २५ गते निर्वाचन गर्ने कार्यतालिका छ । त्यसैले त्यसको चार दिनअघि नै संसद अधिवेशन आह्वान भएको हो । प्रतिनिधिसभा र राष्ट्रियसभालाई संयुक्त रुपमा संघीय संसद भन्ने गरिन्छ । सरकारको सिफारिसमा राष्ट्रपतिले संसद अधिवेशन आहृवान गर्ने संवैधानिक व्यवस्था छ । हिजो सिंहदरवारमा बसेको मन्त्रिपरिषद् बैठकले अधिवेशन बोलाउने निर्णय गरेको थियो ।

मंसिर १० र २१ गते भएको प्रतिनिधिसभाको निर्वाचनबाट प्रत्यक्ष १६५ र समानुपातिक ११० गरी २७५ प्रतिनिधिसभा सदस्य निर्वाचित भएका छन् । ५९ सदस्यीय राष्ट्रिय सभा सदस्यमध्ये ५६ जना निर्वाचित भइसकेका छन् । तीन जना सरकारको सिफारिसमा राष्ट्रपतिले मनोनयन गर्ने संवैधानिक व्यवस्था छ ।