अष्टलक्ष्मी पराजित,डोरमणिलाई मुख्यमन्त्री बन्ने बाटो खुल्ला

Posted on: February 09, 2018 | views: 380

काठमाडौं । अष्टलक्ष्मी शाक्य एमाले संसदीय दलको नेतामा पराजित भएकी छिन् । शुक्रबार बिहान भएको निर्वाचनमा डोरमणि पौडेलले प्रतिद्वन्द्वी शाक्यलाई हराउँदै प्रदेश ३ को मुख्यमन्त्री बन्ने बाटो खोलेका हुन्। संसदीय दलको नेता चुन्न भएको चुनावमा शाक्य र पौडेलले उम्मेदवारी दिएका थिए । दलको चुनावमा ५८ मत खसेकोमा पौडेलले ३४ मत पाए भने पार्टी उपाध्यक्ष समेत रहेकी शाक्यले २४ मत मात्र पाइन् ।

दलको नेता नै मुख्यमन्त्री बन्ने भएकाले प्रदेश ३ को सरकारको नेतृत्व पौडेलले गर्नेछन्। पौडेल एमालेभित्र संस्थापन पक्षका नेता हुन्। ओली निकट पौडेलले अन्तिम समयमा आएर दलको नेतामा उम्मेदवारी दिएका थिए। प्रदेश ३ को सभामुखको निर्वाचन भोलि हुँदैछ।