राष्ट्रिय सभा निर्वाचन अध्यादेश राष्ट्रपतिद्वारा प्रमाणीकरण

Posted on: December 29, 2017 | views: 152

काठमाडौं ।

राष्ट्रपति विद्यादेवी भण्डारीले विवादमा परेको राष्ट्रिय सभा निर्वाचन सम्वन्धी अध्यादेश प्रमाणीकरण गरेकी छन् ।


प्रधानमन्त्री शेरबहादुर देउवा र एमाले नेता सुवास नेम्वाङसँगको भेटे लगतै राष्ट्रपति भण्डारीले अध्यादेश जारी गरेकी हुन् ।


काँग्रेस र एमालेबिच एकल संक्रमणीय कि बहुमतीय मत प्रणाली भन्ने विवादका कारण अध्यादेश लामो समयदेखि शीतल निवासमा अड्एिको थियो ।


कांग्रेस नेतृत्वको सरकारले एकल संक्रमणीयको व्यवस्थासहित अध्यादेश सिफारिस गरेको थियो ।


तर, नयाँ सरकारको नेतृत्व गर्ने तयारीमा रहेको एमालेले त्यसको विरोध गर्‍यो । 

अध्यादेश नहुँदा राष्ट्रियसभाको निर्वाचन हुन सकेन भने प्रतिनिधिसभाको समानुपातिकतर्फ दलहरुले पाएको सिट समेत सार्वजनिक भएको थिएन ।


तर, एमाले आफ्नो अडानमा लचिलो भएपछि शुक्रबार अध्यादेश जारी भएको छ ।