इतिहासले वाम गठबन्धनलाई ठूलो अवसर दिएको छ -प्रचण्ड

Posted on: December 22, 2017 | views: 167

काठमाडौं ।

नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ले प्रतिनिधिसभा र प्रदेशसभा सदस्यको निर्वाचनमा जनताले वाम गठबन्धनलाई स्पष्ट रुपमा अनुमोदन गरेको बताउनुभएको छ । 

नेपाल देशभक्त गणतान्त्रिक मोर्चाले आयोजना गरेको कार्यक्रममा उहाँले वाम गठबन्धन जनअनुमोदित भएकाले अब जनताको पक्षमा नै काम गर्ने जिम्मेवारी आएको बताउनुभयो ।

इतिहासले आफू र आफ्नो पार्टी तथा पछिल्लो दिनमा वाम गठबन्धनलाई ठूलो अवसर दिएको चर्चा गर्दै उहाँले त्यसलाई सम्मान गरेर राष्ट्र निर्माणमा लाग्ने दृढता व्यक्त गर्नुभयो । 

एकै व्यक्तिलाई यति धेरै अवसर निकै कमलाई मात्रै प्राप्त हुने बताउनुहुदै अध्यक्ष प्रचण्डले त्यो अवसर आफुले प्राप्त गरेकोमा खुसी व्यक्त गर्नुभयो ।