रौतहटमा बाम गठबन्धन र मधेशी मोर्चाका उम्मेद्धार अधिकाशं दलबदलु र आयातित

Posted on: November 06, 2017 | views: 142

रौतहट ।

मंसिर २१ गते हुने दोस्रो चरणको प्रतिनिधि सभा र प्रदेश सभाको निर्बाचनमा बामगठबन्धन र मधेशबादी दलको गठबन्धन बाट उम्मेदबार बन्नेमा अधिकास दलबदलु र आयातित रहेका छन ।

गएको १६ गते गठबन्धन बाट उम्मेदबारी दर्ता गरेपछि दलबदलुलेनै उम्मेदबार बनेको भन्दै कार्यकर्तामा असन्तुष्टि बढेको छ । स्थानीय तहको निर्बाचनमा गरुडा नगरपालिकाको प्रमुखमा स्वतन्त्र उम्मेदबार बनेका कन्थमणी प्रसाद जैयसवालले रौतहटको क्षेत्रनम्बर ४ मा मधेशबादीदलको गठबन्धन राजपा नेपाल बाट प्रतिनिधि सभाको निर्बाचनमा उम्मेदबार बनेका छन ।

स्थानीय तहको निर्बाचन पुर्ब उनी नेपाली काग्रेस हुदै माओबादी र स्वतन्त्र बनेका जैयसवाल यतिखेर राजपा नेपालका उम्मेदबार हुन । यस्तै क्षेत्रनम्बर ३ मा नेपाली काग्रेस बाट भित्रयाएर राजपा नेपालले ओमप्रकाश जैयसवाल, क्षेत्रनम्बर २ मा नया शक्तिका किरण साह लाई मधेशबादी दलको गठबन्धन बाट संघिय समाजबादी फोरम नेपालले उम्मेदबार बनाएको छ ।

यस्तै क्षेत्र नम्बर २ मा बामगठबन्धन बाट एमालेले उम्मेदबार बनाएका मुस्ताक राजा यसअघि नेपाल लोकतान्त्रिक फोरम नेपालमा आबद्ध रहेका थिए । उनको पार्टी नेपाली काग्रेसमा बिलय भएपछि उनी एमालेमा प्रबेश गरेका हुन । अन्तत उनैलाई एमालेले उम्मेदबार बनाएको छ । आयातित र दलबदलुले उम्मेदबार बन्ने मौका पाएपछि कार्यकर्ताहरुले असन्तुष्टि ब्यक्त गरेका छन ।

कसैले असन्तुष्टि पोखेका छन भने कसैले उम्मेदबारी दिएर पार्टी नेतृत्वको बिरोध जनाएका छन । रौतहटको क्षेत्रनम्बर १ मा मधेशबादी दलको गठबन्धन बाट राजपा नेपालका अध्यक्ष मण्डलका सदस्य अनिल झा उम्मेदबार बनेपछि  संघिय समाजबादी फोरम नेपालका बबन सिह, क्षेत्रनम्बर ४ को प्रदेश सभा ( क ) मा राजपा नेपालका उम्मेदबार प्रदिप शमशेर जबरा आधिकारिक उम्मेदबार रहेपनि राजपा नेपालकै शेष फुलबाबु भनिने अब्दुल कलाम र प्रदेश सभा ( ख ) का बामगठबन्धन बाट माओबादी केन्द्रका उम्मेदबार देबेन्द्र पटेल आधिकारिक भएपनि माओबादी केन्द्रका राजु धामीको उम्मेदबारी कायम रहेपछि पार्टीका आधिकारिक उम्मेदबार चिन्तित बनेका छन । बागि उम्मेदबारीले चुनाबी प्रचार लाई तिब्रता दिएका छन ।