सल्यानमा यस्ता छन् प्रतिनिधिसभा र प्रदेशसभाका उम्मेद्धार, ५ जनाले दिए बागी उम्मेदवारी

Posted on: November 03, 2017 | views: 102

सल्यान ।

सल्यानमा बिभिन्न राजनैतिक दलहरुले उम्मेदवारको मनोनयन दर्ता गरेका छन् । मंसिर२१ मा हुने प्रतिनिधिसभा र प्रदेशसभाको निर्बाचनको लागी बिभिन्न राजनैतिक दलहरुले उम्मेदवारको मनोनयन दर्ता गरेको हुन् । बिभिन्न बाजागाजाहरुको साथमा र्याली सहित बजार परिक्रमा गरेर मूख्य निर्बाचन अधिकृतको कार्यालयमा गएर नेकपा एमाले, माओबादी केन्द्रको बामगठबन्धन, नेपाली काँग्रेस, राप्रपा लगाएतका बिभिन्न दलहरुले उम्मेदवारको मनोनयन दर्ता गरेका हुन ।

यस जिल्लामा उम्मेदवारहरुको मनोनयन दर्ता शान्तीपूर्ण बाताबरणमा भएको  मूख्य निर्बाचन अधिकृतको कार्यालयले जनाएको छ ।

मंसिरमा हुने निर्बाचनको लागी नेकपा एमाले, माओबादी केन्द्रको संयुक्त बामगठबन्धनले उम्मेदवारी दर्ता गरेका छन् । निर्बाचनको लागी नेकपा एमाले, माओबादी केन्द्रको संयुक्त बामगठबन्धन बाट प्रतिनिधिसभाको लागी माओवादी केन्दका विना विभागीय मन्त्री टेकबहादुर बस्नेतले मनोनयन दर्ता गरेका छन् । यस्तै प्रदेशसभाका लागी  क्षेत्र नम्बर १ बाट एमालेका जिल्ला ईन्चार्ज गुलाबजंग शाह र क्षेत्र नम्बर २ का लागी एमालेका पोलिटब्यूरो सदस्य प्रकाश ज्वालाले मनोनयन दर्ता गरेका छन् ।

उता बामगठबन्धनका बिरुद्ध नेकपा माओबादीका नेताहरुले बागी उम्मेदवारी दिएका छन् । पार्टीको जिल्लाको आधिकारीक निर्णय भन्दै माओबादीका उमाकान्त शर्माले प्रतिनिधिसभाको लागी उम्मेदवार दिएका छन् । यस्तै प्रदेश सभाको लागी क्षेत्र नम्बर १ बाट भिम प्रकाश शर्मा र क्षेत्र नम्बर २ बाट जित बहादुर पुनले उम्मेदवारी दिएका छन् । यस अघि माओबादी केन्द्र सल्यानले केन्द्रको निर्णय नमान्ने भन्दै बुधबार बिज्ञप्ती निकालेका थिए ।

यस्तै स्वतन्त्र बाट प्रतिनिधिसभाका लागी ज्ञान बहादुर वलीले उम्मेदवारी दिएका छन भने प्रदेश सभाको लागी क्षेत्र नम्बर १ बाट धर्मे बुढाथोकीले उम्मेदवारी दिएका छन । यस्तै क्षेत्र नम्बर २ बाट स्वतन्त्र रुपमा शोभाराम थापा र धन बहादुर विश्वकर्माले उम्मेदवारी दिएका छन ।

यस्तै नेपाली काँग्रेसको तर्फ बाट प्रतिनिधि सभाका लागी पूर्व शिक्षा राज्य मन्त्री राजेन्द्र बहादुर शाहले मनोनयन दर्ता गरेका छन् । यस्तै प्रदेशसभामा क्षेत्र नम्बर १ बाट महासमिती सदस्य एकराज डाँगी र क्षेत्र नम्बर २ बाट पूर्व केन्द्रिय सदस्य डिल्लीराज रेग्मीले मनोनयन दर्ता गरेका छन् ।

यस्तै राप्रपाको तर्फ बाट प्रतिनिधि सभाका लागी गणेश भण्डारीले उम्मेदवारी दिएका छन् । यस्तै प्रदेशसभा तर्फ क्षेत्र नम्बर १ मा बालाराम शर्मा र क्षेत्र नम्बर २ मा राजेन्द्र बिर राई ले उम्मेदवारी दर्ता गराएका छन् ।

यता निर्बाचनको लागी नेकपा माले र जनसमाजबादी पार्टीले चुनाबी तालमेल गरेका छन् । नेकपा मालेले प्रतिनिधि सभा र प्रदेशसभा क्षेत्र नम्बरमा १ मा उम्मेदवारको मनोनयन गर्दा गरेका छन् । भने जनसमाजबादी पार्टीले क्षेत्र नम्बर २ मा उम्मेदवारको मनोनयन दर्ता गरेको छ । मालेको तर्फ बाट प्रतिनिधी सभामा बलबहादुर गिरी, प्रदेशसभा १ मा टोप बहादुर रोका र प्रदेश सभामा २ मा जनसमाजबादी पार्टीका हिमलाल बुढाथोकीले उम्मेदवारी दिएका छन् । यी दुई पार्टी बिचमा चुनाबमा एकअर्काले सहयोग गर्ने सहमती भएको छ ।

यस्तै राष्ट्रिय जनमुक्तिले पनि उम्मेदवारी दर्ता गरेको छ । प्रतिनिधि सभामा जिल्ला अध्यक्ष खड्क बहादुर पुन र प्रदेशसभा क्षेत्र नमबर २ मा डण्डबिर पुनले उम्मेदवारी दर्ता गरेका छन् ।

यस्तै राष्ट्रिय जनमोर्चाले पनि उम्मेदवारी दर्ता गरेको छ । प्रतिनिधि सभाका लागी ढकन प्रसाद शर्माले उम्मेदवारी दर्ता गरेका छन् । प्रदेश सभाको लागी क्षेत्र नम्बर १ बाट जनमोर्चाका दले बुढा मगरले उम्मेदवारी दिएका छन् ।

यस्तै एकृकित राप्रपा राष्ट्रबादी बाट प्रतिनिधि सभामा गुरु प्रसाद भण्डारीले उम्मेदवारी दिएकाछन् । यस्तै राप्रपा प्रजातान्त्रिकले प्रदेश सभा तर्फ क्षेत्र नम्बर २ मा बेद बहादुर खत्रीलाई उम्मेदवार बनाएको छ । यस्तै नयाँ शक्तिले प्रतिनिधि सभाका लागी सुमन कुमार बिकले उम्मेदवारी दिएका छन् । यस्तै प्रदेश सभा क्षेत्र २ मा बिमल राज डिसीले उम्मेदवारी दिएका छन् ।