विवेकशिल साझा पार्टीबाट रवीन्द्र मिश्र काठमाडौँ १ र सूर्यराज आचार्यद्धारा २ मा मनोनयन दर्ता (भिडियो

Posted on: November 02, 2017 | views: 580

काठमाडौं ।

'अबको आशा विवेकशिल साझा' भन्ने मुल नारा सहित आसन्न प्रतिनिधि र प्रदेशसभा निर्वाचनमा होमिएको वैकिल्पक राजनीतिक शक्तिको रुपमा उदाएको बिवेकशिल साझा पार्टीका संयोजक रबिन्द्र मिश्रले काठमाडौं क्षेत्र नम्वर १ बाट मनोनयन दर्ता गराएका छन् ।


विवेकशीला साझाका तर्फबाट संयोजक रवीन्द्र मिश्रले काठमाडौँ १ मा प्रतिनिधिसभातर्फ मनोनयन दर्ता गराएका छन् ।




यसैगरि काठमाडौँ २ बाट सार्वजनिक नीति तथा पूर्वाधार विकासका विज्ञ एवं साझा पार्टीका प्रवक्ता समेत रहेका सूर्यराज आचार्यले उम्मेदवारी दिएका छन् ।




उम्मेदवारी दर्तापछि लोकप्रिय छवि बनाएका मिश्रले आफ्नै कालमा देश रुपान्तरणको लक्ष्य सहित पार्टीले निर्वाचनमा भाग लिएको भन्दै तीन प्रतिशत भोट ल्याएर राष्ट्रिय पार्टी बनेर संसद्मा प्रतिनिधित्व गर्ने बताए ।


पार्टी निर्माण भएको छोटो समयमै निर्वाचनमा होमिएकाले देशभर उम्मेद्धारी दिन नसकेपनि उम्मेद्धारी दिएका ठाउँमा तराजु चुनाव चिन्हका उम्मेद्धारलाई र देशभर समानुपातिक तर्फ आम नागरिकले वास्तविक परिवर्तनको लागि तराजु चुनाव चिन्हमा मतदात दिने मिश्रले विश्वास व्यक्त गरे ।



यो पटक राष्ट्रिय पार्टी अर्को पटक देशको नेतृत्व सम्हालेर परिवर्तन हाम्रै जिवनकालमा ल्याउने प्रतिवद्धता सहित स्थानिय निर्वाचनको समयमा गठन भइ विवेकशिल साझा पार्टीसँग पार्टी एकिकरण गरेपछि तराजु चुनाव चिन्ह रहेको विवेकशिल साझा पार्टीको संयोजकका रुपमा रबिन्द्र मिश्र रहेका छन् भने उज्जवल थापा सहसंयोजकको रुपमा रहेका छन् । थापा काठमाडौं क्षेत्र नम्वर ५ बाट उम्मेद्धार रहेका छन् ।