यस्तो रह्यो मंसिर १० गते हुने प्रतिनिधिसभा र प्रदेशसभा निर्वाचनको उम्मेद्धारी

Posted on: October 22, 2017 | views: 239

काठमाडौं ।

विभिन्न दलहरुले आगामी मंसिर १० गते पहिलो चरणमा हुने प्रतिनिधिसभा र प्रदेशसभाको उम्मेदवारको टुडगो लगाएका छन ।

प्रतिनिधिसभा उम्मेदवारमा नाम शिफारिश भएका र मनोनयन दर्ता गर्नेमा विभिन्न दलका केन्द्रीस्तरका नेताहरु पनि रहनुभएको छ ।

नेकपा (एमाले) सँग चुनावी तालमेल गरेको माओवादी केन्द्रले आगामी मंसिर १० गते हुने पहिलो चरणको निर्वाचनका लागि उम्मेदवारको टुंगो लगाएको र त्यसमा गोरखा क्षेत्र नं २ बाट नारायणकाजी श्रेष्ठ, सिन्धुपाल्चोक क्षेत्र नं २ अग्निप्रसाद सापकोटा, नुवाकोट क्षेत्र नं १ बाट  हितबहादुर तामाङ, लमजुङबाट देवप्रसाद गुरुङ, बाग्लुङ क्षेत्र नं २ बाट देवेन्द्र पौडेल, रोल्पाबाट वर्षमान पुन , रुकुम (पश्चिम) जनार्दन शर्मा उम्मेदवार हुनुभएको छ ।

त्यस्तै नेपाली काग्रैसको तर्फबाट पनि  आसन्न प्रतिनिधि सभा र प्रदेश सभाको निर्वाचनका लागि पार्टीका उम्मेदवारको टुंगो लगाइएको छ ।

सोलुखुम्बुबाट बलबहादुर केसी, मुस्ताङमा रोमी गौचन थकाली, नुवाकोट क्षेत्र नं १, डा रामशरण महत, क्षेत्र नं २ जगदिशनरसिंह केसी, सिन्धुपाल्चोक क्षेत्र नं १ मोहनबहादुर बस्नेत, क्षेत्र नं २ पशुपति शम्शेर राणा (राप्रपा प्रजातान्त्रिक) सँग तालमेल) , गोरखा क्षेत्र नं १ चीनकाजी श्रेष्ठ, मुगु हस्तबहादुर मल्ल लगायतका नेताहर रहनुभएको छ

माओवादी केन्द्रले उम्मेदवारी दर्ताका लागि प्रतिनिधिसभामा १६ जना र प्रदेशसभाका लागि ३३ जनाको उम्मेदवारी दर्ता गराएको छ भने नेपाली काँग्रेसले चुनावी गठबन्धनका लगि सहमति भएका दलहरु संघीय समाजवादी फोरम नेपाल, राष्ट्रिय प्रजातन्त्र पार्टी, राष्ट्रिय प्रजातन्त्र पार्टी (प्रजातान्त्रिक), नयाँ शक्ति नेपाललगायत दलसँग सहकार्य गर्ने गरी उम्मेदवार चयन गरेको छ ।

सोही सहमतिअनुसार पार्टीले कतिपय निर्वाचन क्षेत्रमा प्रतिनिधि सभा र प्रदेश सभामा ती दलका उम्मेदवारलाई सघाउने भएको छ ।