५९२ सांसद आजैबाट भूपु

Posted on: October 21, 2017 | views: 309

काठमाडौं ।

महिनाको एकलाख बढी तलब, घरभाडा, सवारी खर्च, बैठक भत्ता, सहयोगी अनि सांसदको सान । यस्ता सुविधा र मानले बसेका ५९२ सांसद आजबाट भूतवूर्व बनेका छन् । 


भोली अर्थात् कात्तिक ५ गते अर्थात् आइतबार पहिलो चरणको प्रदेश र प्रतिनिधिसभा निर्वाचनको मनोनयन दर्ता हुँन लागेपछि उनिहरु आजबाट भूतपुर्व बनेका हुन् ।


नेपालको संविधानको धारा २९६ मा रुपान्तरित व्यवस्थापिका संसदको कार्यकाल २०७४ माघ ७ गतेसम्म रहने उल्लेख छ ।

तर, कार्यकाल पूरा हुनु अगावै प्रतिनिधिसभा निर्वाचन हुन लागेकाले मनोनयनपत्र दर्ता गर्ने अघिल्लो दिनसम्म व्यवस्थापिका संसद कायम रहने संवैधानिक व्यवस्था अनुसार उनिहरु भूपु भएका हुन् ।


संवैधानिक व्यवस्था अनुसार कात्तिक ४ गते अर्थात आजबाट अहिलेका सांसदहरुको कार्यकाल समाप्त भएको छ ।