कमल थापाले शपथ खाए, राप्रपाका ८ मन्त्री थपिएपछि देउवाका मन्त्री ६४ जना

Posted on: October 14, 2017 | views: 392

काठमाडौं ।

आवश्यकता भन्दापनि सरकार बचाउन र प्रधानमन्त्रीमा रहिरहनकै लागि शेरबहादुर देउवाले थपेका कमल थापा सहित उनको पार्टी राप्रपाका ८ मन्त्रीले शपथ खाएका छन् ।


मन्त्रिपरिषद् विस्तारले चुनावलाई असर नगर्ने निर्वाचन आयोगको रायपछि राष्ट्रपति विद्यादेवी भण्डारीले उपप्रधानमन्त्री कमल थापासहित चार मन्त्रीलाई शपथ खुवाएकी हुन् ।


शुक्रबार साँझ शीतल निवासमा आयोजित समारोहमा राप्रपा अध्यक्ष थापाले उपप्रधानमन्त्रीको सपथ थिए । सपथपछि राष्ट्रपति भण्डारीले उपपप्रधानमन्त्री थापालाइ चुनाव राम्रोसँग सम्पन्न गर्न शुभकामना समेत दिइन् ।


लगतै मन्त्रीहरु जयन्तबहादुर चन्द, दिलनाथ गिरी र विक्रमबहादुर थापाले पनि सपथ लिएका छन् ।


प्रधानमन्त्री शेरबहादुर देउवाले राप्रपाबाट उपप्रधानन्त्री, तीन मन्त्री र चार राज्यमन्त्री नियुक्त गरेका थिए । नवनियुक्त मन्त्रीहरूको मन्त्रालय भने तोकिएको छैन ।


कमल थापा राप्रपाका ८ मन्त्री थपिएसँगै शेर बहादुर देउवाले बनाएको अहिलेसम्मकै नेपालको ठूलो मन्त्रीपरिषदको संख्या ६४ पुगेको छ ।


संविधानमा उल्लेख नभएको तर्क गर्दै मन्त्री थपिरहेका देउवाको सवत्र्र बिरोध भएपनि उनले बेवास्ता गर्दै सत्तामा बहुमत समर्थन देखाउन मन्त्री थप्न छाडेका छैनन् ।