राष्ट्रपति-अयोधि भेटपछि यसरी तोकियो शितल निवासमा ७ बजे कमल थापाको मन्त्री सपथ

Posted on: October 14, 2017 | views: 259

काठमाडौं ।

निर्वाचन आचारसंहिता मिच्दै सत्ता टिकाउनकै लागि प्रधानमन्त्री शेरबहादुर देउवाले थपेका ८ मन्त्रीको शपथ साँझ ७ बजे हुने भएको छ ।


६४ सदस्यीय मन्त्री बनाउँदै कमल थापालाई उपप्रधानमन्त्री सहित उनको पार्टी राप्रपाबाट हिजोमात्र ४ मन्त्री र ४ राज्यमन्त्री थप्ने निर्णय देउवाले गरेका थिए ।


नवनियुक्त मन्त्रीहरुको शपथ आज साँझ ७ बजे राष्ट्रपति भवन शितल निवासमा हुने भएको छ ।


राष्ट्रिय प्रजातन्त्र पार्टी 'राप्रपा' बाट मन्त्री बनेकाहरुलाई साँझ ७ बजे राष्ट्रपति विद्या भण्डारीले शपथ खुवाउने कार्यक्रम तय भएको प्रधानमन्त्रीको कार्यालय श्रोतले जानकारी दिएको छ ।


नेपाली काँग्रेसका सभापती समेत रहेका प्रधानमन्त्री देउवाले शुक्रबार राप्रपाका अध्यक्ष कमल थापालाई उपप्रधानमन्त्रीको जिम्मेवारीसहित चार मन्त्री र ४ राज्यमन्त्री नियुक्त गरेका थिए ।


शुक्रबार मन्त्रीहरु थपिएपछि मन्त्रिपरिषद् सदस्य संख्या ६४ पुगेको छ । यो इतिहासकै सबैभन्दा ुजम्बोु मन्त्रिपरिषद् हो । निर्वाचन आयोगले प्रतिनिधिसभा र प्रदेशसभा निर्वाचनको आचारसंहिता लागू भइरहेको बेला मन्त्रिपरिषद् विस्तार गरेको भन्दै बिरोध जनाईसकेको छ ।


जनस्तरबाट समेत व्यापक बिरोध भएपछि देउवाले भने लगातार मन्त्री थप्दै आइरहेका छन् ।


यसैबिच राष्ट्रपति विद्यादेवी भण्डारीसंग निर्वाचन आयोगका पदाधिकारीहरुले अहिले आज भेटघाट गर्नु भएको छ ।


काठमाडौं महाराजगंज स्थित राष्ट्रपतिको शितल निवासमा गइ प्रमुख निर्वाचन आयुक्त डा अयोधी प्रसाद यादव सहितको पदाधिकारी टिमले भेटघाट गरेको हो ।


भेटघाटका क्रममा आगामी निर्वाचनको तयारीवारेमा छलफल भएको थियो । साथै प्रधानमन्त्री शेरबहादुर देउवाले गरेको मन्त्रीपरिषद विस्तारको बारेमा छलफल भएको र प्रतिकुल अवस्था रहेको बताउँदै देउवा सरकार संकटमा रहेकाले मन्त्री परिषद विस्तार रोकिंदिंदा सरकार आसन्न निर्वाचन गर्नतिर नलाग्ने ठहर गर्दै निर्वाचन सम्पन्न पार्नको लागि पनि मन्त्री परिषद विस्तारको नैतिक बिरोध गरेर मन्त्रीहरुलाई समथ खुवाउने सहमती भएको श्रोतले जानकारी दिएको छ ।