बाबुराम भट्टराइले सुर्य छाडे, एउटा आँखा लिएरै चुनाव लड्ने

Posted on: October 13, 2017 | views: 441

काठमाडौं ।

गोरखाबाट चुनाव लड्न माओवादी केन्द्रले नारायणकाजी श्रेष्ठको नाम नछाड्ने बताएपछि वाम गठबन्धनमा सहभागी बाबुराम भट्टराईले एमालेको सुर्य चुनाव चिन्ह नलिने घोषणा गरेका छन् ।


नेकपा एमालेको सूर्य चुनाव चिन्ह लिएर निर्वाचन लड्ने घोषणा गरेका नयाँ शक्तिका संयोजक बाबुराम भट्टराईले अन्तत आफ्नै पार्टीको चुनाव चिन्ह देब्रे आँखामा चुनाव लड्ने घोषणा गरेका छन् ।


पार्टीको संघीय सचिवालय बैठकमा भट्टराईले देब्रे आँखा चुनाव चिन्हबाटै निर्वाचन लड्ने घोषणा गरेका हुन् । भट्टराईले गोर्खा २ बाट चुनाव लड्न चाहेपनि नेकपा माओवादीले असहमति जनाएको थियो । एमालेले गोरखा जिल्ला माओवादी केन्द्रलाई दिने सहमती गरिसकेको छ ।


माओवादीले गोर्खा नछाड्ने बताएपछि भट्टराई बिच्चिएका हुन्। संघीय सचिवालय बैठकमा आफूले जस्तोसुकै परिस्थितिमा पनि गोर्खा २ बाटै चुनाव लड्ने समेत घोषणा गरेका छन्। भट्टराईले एमालेसँग निर्वाचनमा आफ्नो सम्मानजक भूमिकाका लागि आग्रह गर्दै आएका छन् । सुर्य चुनाव चिन्ह छाडेपछि भट्टराईले गठबन्धन भने नतोडेको बताएका छन् ।