लोकतान्त्रीक पार्टीको पारा । काँग्रेसले सांसद उम्मेद्धार छान्ने जिम्मा भ्रष्टाचारीलाई दियो

Posted on: October 11, 2017 | views: 520

काठमाडौं ।

भ्रष्टाचार गरेर राज्यढुकुटीमा लुट मच्चाएको प्रमाणित सहित जेल सजाय काटेका व्यक्तिलाई नेपाली काँग्रेसले सांसदको उम्मेद्धार छान्ने जिम्मा दिएको छ ।


प्रधानमन्त्री तथा नेपाली काँग्रेसका सभापती शेरबहादुर देउवा र नेता रामचन्द्र पौडेलले गठन गरेको सांसद उम्मेद्धार छान्ने सदस्यमा भ्रष्टाचारी खुम बहादुर खड्कालाई समेत राखेका छन् ।


संविधान तथा निर्वाचन नियमावलीमा समेत भ्रष्टाचारी उम्मेद्धार हुन नपाउने भएपनि यसको सामान्य ज्ञान र हेक्का समेत नराखी दागं जिल्लाबाट उम्मेद्धार समेत सिफारिस गरेको काँग्रेसले उनै भ्रष्ट खुमबहादुर खड्कालाई आसन्न प्रदेश र केन्द्रको निर्वाचनमा कस्ता उम्मेद्धार छान्ने भन्ने समतीमा राखेको हो ।


समितिमा महामन्त्री डा. शशांक कोइराला, कोषाध्यक्ष सीतादेवी यादव, पूर्व महामन्त्रीहरु कृष्णप्रसाद सिटौला र प्रकाशमान सिंह समेत छन् ।


नेताहरु रामशरण महत, महेश आचार्य, विमलेन्द्र निधि, गोपालमान श्रेष्ठ, ज्ञानेन्द्र बहादुर कार्की, बालकृष्ण खाँण, प्रकाशशरण महत, पूर्णबहादुर खड्का, अर्जुननरसिंह केसी, चित्रलेखा यादव रहेका छन् ।


समितिले पार्टीको तर्फबाट प्रदेश र केन्द्रको उम्मेदवार टुंगो लगाउने छ । 


संसदीय समिति गठन भएलगत्तै बालुवाटारमा आज टिकट वितरणका विषयमा छलफल गर्न समितिको बैठक बसेको थियो ।


काँग्रेसले मंसिर १० र २१ गते २ चरणमा सम्पन्न हुने प्रदेशको केन्द्रको निर्वाचनमा पार्टीको तर्फबाट मैदान उतार्ने उम्मेदवारको टुंगो असोज २७ भित्र लगाइसक्ने निर्णय गरेको छ ।

तर उम्मेद्धार छान्ने जिम्मा भने भ्रष्टलाई दिएपछि नेपाली काँग्रेसले कस्ता उम्मेद्धार उठाउला भन्नेमा आशंका उत्पन्न भएको छ ।