रविन्द्र मिश्र काठमाडौं क्षेत्र नम्वर १ र उज्ज्वल थापा ५ बाट विवेकशील साझा पार्टीको उम्मेद्धार

Posted on: October 09, 2017 | views: 533

काठमाडौं ।

नयाँ राजनैतिक दलको रुपमा स्थानिय निर्वाचनमा बैकल्पिक शक्ति बनेर उदाएको विवेकशील साझा पार्टीले काठमाडौंबाट पार्टी संयोजक रबिन्द्र मिश्र र सहसंयोजक उज्जवल थापालाई उठाउने भएको छ ।


विवेकशील साझाको उमेद्वार छनोट समितिले पार्टी संयोजक रबिन्द्र मिश्रलाई काठमाडौं क्षेत्र नम्बर १ र सहसंयोजक उज्जवल थापालाई ५ बाट उठाउने भएको हो ।


उम्मेदवार छनोट समितिले सिफारिस गरेको नाम केन्द्रिय समितिले थप छलफल गरेर अनुमोदन गर्ने छ ।


विवेकशील साझा पार्टीको केन्द्रिय समितीको बैठक आज बस्दैछ । सो बैठकले काठमाडौंका २ क्षेत्र अतिरिक्त देशका अन्य ठाँउका उमेद्वारको टुङ्गो लगाउन उम्मेद्धारहरु सिफारिसका आधारमा छलफल अघि बढाएको छ ।


संसदीय र प्रान्तीय निर्वाचनमा विवेकशील साझाले सबै निर्वाचन क्षेत्रमा आफ्नो उम्मेद्वार दिने तयारी गरेको छ ।


पार्टी गठन अघिनै स्थानिय निर्वाचनमा मेयर तथा उपमेयरमा काठमाडौं, ललितपुर महानगर सहित इटहरी उपमहानगरमा उम्मेद्धारी दिएको साझा पार्टीले ठूला दलहरुलाई समेतपछि पार्दै केही स्थानमा उत्साहजनक मत ल्याएको थियो ।


काठमाडौं महानगरमा एकता अघि साझा र विवेकशिलबाट उम्मेद्धार बनेका दुवै व्यक्तिले उत्साहजनक मत ल्याएपनि बिजयी हुन नसकेपछि समर्थक तथा वैकल्पिक शक्तिको आशामा रहेको जनस्तरबाट दबाव बढेपछि साझा पार्टी र विवेकशिल पार्टीबिच दुई महिना अघि एकता भएको हो ।


उज्वल थापाले यसअघि दोस्रो संविधानसभामा काठमाडौं पाँच नम्बर क्षेत्रबाट उम्मेदवारी दिएका थिए भने यसपाली पनि उनले पाँच नम्बर क्षेत्रबाटै उम्मेदवारी दिने भएका छन्।


पत्रकारिता क्षेत्रमा लोकप्रिय रहेर वैकल्पिक राजनीतिक शक्ति बन्ने लक्ष्य सहित राजनीतिक दल गठन गरेर राजनीति थालेका रविन्द्र मिश्रले क्षेत्र नम्वर तीनबाट यसअघि उम्मेद्धारी दिने ठानिएको थियो ।


काठमाडौंको दुई क्षेत्रबाट मिश्र र थापाको उमेद्वारीले राजधानीको निर्वाचन चर्चा थप चुलिने निश्चित छ । सँगै विवेकशिल साझा पार्टीसँग प्रतिस्पर्धा गर्न अन्य दलहरुले ठूलै कसरत गर्नुपर्ने देखिन्छ ।


काठमाडौं एकबाट नेपाली काँग्रेसले महामन्त्रि प्रकाशमान सिंह र ५ बाट काँग्रेस नेता नरहरि आचार्यलाई उठाउँदै आएको छ ।