ओलीको हातबाट टिका लगाएर पूर्वडीआईजी सिलवाल एमाले प्रवेश गर्दै

Posted on: October 06, 2017 | views: 522

काठमाडौं ।

महानिरिक्षक बढुवामा बरियता मिच्दा आफु पाखा परेको भन्दै डीआईजी पदबाट राजीनामा दिएका नवराज सिलवाल नेकपा एमालेमा प्रवेश गर्ने भएका छन् ।


प्रहरी सेवाबाट राजीनामा दिएका पूर्वडीआईजी सिलवालले आईजिपी नपाउने भएपछि समाजसेवामा लाग्ने बताएपनि एक महिनामा निर्णय फेर्दै राजनीतिमा होमिन लागेका हुन् ।


सिलवाललाई काठमाडौंको बुद्धनगरमा एमाले अध्यक्ष केपीशर्मा ओलीको हातबाट टिका लगाएर एमाले छिर्ने कार्यक्रम रहेको एमाले काठमाडौं जिल्ला कमिटीले बताएको छ ।


माओवादी केन्द्रका अध्यक्ष पुष्पकमल दाहाल प्रचण्ड नेतृत्वको तत्कालीन सरकारले वरिष्ठता क्रममा अगाडी रहेका सिलवाललाई राजनीतिक दाउपेचका आधारमा लत्याउँदै जयबहादुर चन्दलाई आईजीपी नियुक्त गर्ने घोषणा गरेको थियो । तर अदालतले चन्दलाई आईजिपी नबनाउने आदेश दिएपछि प्रकाश अर्याल आईजीपी बनेका छन् ।


आईजिपीबाट फ्याँकिएपनि एआईजीमा बढुवा हुनुपर्ने सिलवाललाई शेरबहादुर देउवाकै दबावमा बढुवा समेत नगरिएपछि उनले प्रहरी सेवाबाट राजीनामा दिएका थिए ।