बाबुराम भट्टराईको चुनाव चिन्ह सूर्य

Posted on: October 03, 2017 | views: 340

काठमाडौं ।

नेकपा एमालेसँग पार्टी एकता गर्ने भएपछि नयाँ शक्तिका अध्यक्ष रहेका पूर्व प्रधानमन्त्री बाबुराम भट्टराईले आसन्न निर्वाचनमा सुर्य चुनाव चिन्ह लिएर चुनाव लड्ने भएका छन् ।


मंगलबार एमाले र माओवादी केन्द्रबीच चुनावी तालमेलसँगै पार्टी एकता सहमति भएपछि भट्टराईले गृह जिल्ला गोरखाबाट सुर्य चुनाव चिन्हमा चुनाव लड्ने भएका हुन् ।


लगतै एमाले अध्यक्ष ओलीले नयाँ शक्तिका संयोजक डा.बाबुराम भट्टराईसँग कुराकानी गरेका थिए । नेताहरुबीच एमाले, माओवादी र एमालेबीच चुनावी तालमेलसँगै पार्टी एकता गर्ने सहमति भएको छ ।


साथै नयाँ शक्तिले आगामी चुनावमा सूर्य चिन्हबाटै चुनाव लड्ने सहमति भएको छ ।


एमाले र माओवादीबीच भने चुनाव चिन्हबारे सहमति हुन बाँकी छ । सूर्य चिन्हबाट चुनाव लड्दा फरक दलको अस्तित्व नहुने भएपछि माओवादी तालमेल गरेर आफ्नै चुनाव चिन्ह हसिया हथौडा लिएर चुनावमा जाने योजनामा छ ।