हृदयेश त्रिपाठीले राजपा छाडे, एमालेको सुर्य चिन्हमा चुनाव लड्ने (यस्तो छ ओलीसँगको सहमती)

Posted on: October 02, 2017 | views: 321

काठमाडौं ।

राष्टिय जनता पार्टी खोल्दै सह अध्यक्ष रहेका हृदयेश त्रिपाठी नेकपा एमालेको सुर्य चुनाव चिन्हमा चुनाव लड्ने भएका छन् ।


नेकपा एमाले र त्रिपाठी नेतृत्वको तराई केन्द्रित नेताहरुको समुह स्वतन्त्र राजनीतिक समूहका बीच आगामी निर्वाचनमा सूर्य चिह्न लिएर सहभागी हुने सहमति भएको छ । 


स्वतन्त्र राजनीतिक समूहका नेता तथा कार्यकर्ता आगामी प्रतिनिधिसभा, प्रदेशसभा तथा राष्ट्रियसभाको निर्वाचनमा सूर्य चिह्न लिएर सहभागी हुनुहुनेछ, स्वतन्त्र समूह स्वतन्त्र पहिचानका साथ क्रियाशील हुनेछन्”, आज जारी विज्ञप्तिमा भनिएको छ, ।


तराई–मधेशसमेतका जनतालाई शोषण, उत्पीडन, विभेद र असमानताबाट मुक्त गरेर न्याय, समानता र समृद्धि सुनिश्चित गर्नु साझा जिम्मेवारी हुनेछ ।” 

विज्ञप्तिमा एमालेका तर्फबाट महासचिव ईश्वर पोखरेल तथा समूहका तर्फबाट राजपाका नेता हृदयेश त्रिपाठी नवलपरासी, विके गुप्ता कपिलवस्तु, पशुपतिदयाल मिश्र बाँके, ईश्वरदयाल मिश्र कपिलवस्तु र जगदीश शुक्ला बाँकेले हस्ताक्षर गर्नुभएको छ । 




दुवै पक्ष संविधान कार्यान्वयनका क्रममा देश र जनताको आवश्यकतानुसार संविधान परिमार्जन र विकास गर्दै जान, तराई–मधेशका साथै समग्र राष्ट्रमा आर्थिक विकास र सामाजिक न्याय सुनिश्चित गर्न तथा सम्पूर्ण नेपालीको सुखी र समृद्धि जीवनका लागि सहकार्य गर्न सहमत भएका छन् ।