प्रधानमन्त्री देउवा भन्छन्-'६० जनासम्म मन्त्री बनाउन मिल्छ'

Posted on: September 22, 2017 | views: 147

न्यूयोर्क ।

प्रधानमन्त्री शेरबहादुर देउवाले जम्बो मन्त्रीमण्डल संविधानसम्मत भएको तर्क गर्दै उल्टै ६० जनासम्म मन्त्री बनाउन मिल्ने जिकिर गरेका छन् ।


आफ्नो बचाउ गर्दै देउवाले संसदको कुल संख्याको १० प्रतिशत सदस्यलाई मन्त्री बनाउन मिल्ने भन्दै उनले भनेका छन्, ६० जनालाई मन्त्री बनाउन मिल्छ । तर, अहिले त्यो सीमा भन्दा कम नै मन्त्री बनाएको छु ।’


न्यूयोर्कको कोलम्बिया विश्वविद्यालयका विद्यार्थीहरुसँग भएको अन्तरक्रियामा जम्बो मन्त्रिमण्डलबारे सोधिएको प्रश्नमा प्रधानमन्त्री देउवाले भने, संख्या होइन, कामलाई हेर्न आवश्यक छ ।’


देउवा सरकार ५६ सदस्यीय छ । जम्मा मन्त्रीमण्डल भएको भन्दै आलोचना भइरहेका बेला उनले न्यूयोर्क जानु अघि दुई राज्यमन्त्री थपेका थिए ।


एक प्रश्नको जवाफमा प्रधानमन्त्री देउवाले भारत र चीन दुबैसँग राम्रो सम्वन्ध राख्नु नेपालको राष्ट्रिय स्वार्थ भएको बताएका छन् । साथै दुबै छिमेकी देशले नेपालको संवेदनशीलता बुझेको बताए ।

स्मरणीय छ संविधानले स्पष्ट रुपमा २५ जना भन्दा बढी सदस्यको मन्त्रीमण्डल बनाउन नमिल्ने स्पष्ट उल्लेख गरेको छ ।