भ्रष्टाचार आरोपमा इञ्जिनियर प्रकाश ढुङ्गानालाई बिप्लव कार्यकर्ताले कालोमोसो दले (भिडियो सहित)

Posted on: September 17, 2017 | views: 465


चितवन ।

रत्ननगर नगरपालिकाका वरिष्ठ इञ्जिनियर प्रकाश ढुङ्गानालाई भ्रष्टाचार गरेको आरोपमा नेत्रविक्रम चन्दका कार्यकर्ताले कालोमोसो दलेका छन् ।


चन्द नेतृत्वको नेपाल कम्युनिस्ट पार्टी चितवनले आइतबार विहान ढुङ्गानालाई कार्यालय परिसरमै कालोमोसो र जुत्ताको माला लगाएर अभद्र व्यवहार गरेका छन् ।


प्रकाश ढुङ्गानालाई कार्वाही गर्नुका कारण भन्दै विप्लवका कार्यकर्ताहरुले पर्चासमेत छरेको पाइएको छ ।


घटनास्थलमा नेकपाले छरेको पर्चामा कारबाही गर्नुका ६ कारणहरु लेखिएका छन् :


१) परियोजना र संस्थामा बजेट पारिदिने नाममा कमिशन खाने गरेको ।


२) घरजग्गा र बाटोको सिफारिस गरे बापत सेवाग्राहीबाट कमिशन लिने गरेको ।


३) नयाँ प्लटिङ्मा बाटो सिफारिस गरेबापत कमिशन लिने गरेको ।


४) घोल र ऐलानी जमिनलाई भू–माफियासँग मिलेर जग्गा दलालको नाममा नामसारी गरेको ।


५) नहर र कुलोको जग्गालाई भू–माफियासँग मिलेर चक्लाबन्दी प्लटिङ् गर्न भूमिका निभाएको, यसबापत कमिशन लिने गरेको ।


६) विदाको दिन सरकारी सवारीसाधन प्रयोग गरी भू–माफियासँग मिलेर सुकुमबासी बस्तीलाई यो जग्गा छोड भनी आतङ्कित पारेको ।