प्रधानमन्त्री देउवा मन्त्री थप्नै व्यस्त । आजपनि मन्त्रिपरिषद विस्तार तयारी

Posted on: September 10, 2017 | views: 36

काठमाडौं ।

मितव्ययी बन्ने भन्दै शपथ खाएर ५० बढी मन्त्री बनाएर रेकर्ड बनाइसकेका प्रधानमन्त्री शेरबहादुर देउवाले फेरि मन्त्रिपरिषद् विस्तार गर्ने तयारी गरेका छन् ।


शपथ खाएको ६० दिनभित्र सम्पत्ति विवरण सार्वजनिक गर्नुपर्नेमा नियम उल्लंघन गर्दै बेवास्ता गर्दै आएका विवादीत प्रधानमन्त्री देउवाले आजै पशुपतीशम्शेर राणाको राप्रपाबाट तीन मन्त्री थप्ने तयारी गरेका हुन् ।


राष्ट्रिय प्रजातन्त्र पार्टी प्रजातान्त्रिकले४ मन्त्रालय माग गरेपनि देउवाले तीन मन्त्रालय दिन सक्ने बताउँदै आएका छन् ।


श्रोतका अनुसार राप्रपाबाट दीपक बोहरा, विक्रम पाण्डे, रामकुमार सुब्बा  र सुनिल थापाको नाम मन्त्री बन्ने चर्चामा छ ।

राप्रपाको कति मन्त्री पाउने र कोको मन्त्री बन्ने तथा कुन मन्त्रालय पाउने भन्ने टुंगो लागिसकेको छैन ।


प्रधानमन्त्री देउवाले आफैसँग राखेका उद्योग, वन तथा भूसंरक्षण, विज्ञान तथा प्रविधि र शान्ति तथा पुनर्निर्माण मन्त्रालय मध्येबाट तीन मन्त्रालय राप्रपालाई दिने ठानिएको छ ।