आजबाट सोह्र श्राद्ध, बडादशैँको टिकाको साइत ११ बजेर ५५ मिनेटमा

Posted on: September 06, 2017 | views: 151

काठमाडौं ।

आजदेखि सोह्रश्राद्ध सुरु भएको छ । आश्विन कृष्ण प्रतिपदादेखि आश्विन शुक्ल प्रतिपदासम्म सोह्रश्रद्ध मनाइने गरिन्छ । 


प्रतिपदादेखि १६ तिथिमध्ये जुन तिथिमा आफ्ना पिताको निधन भएको हो सोही दिन सोह्रश्राद्ध गर्ने गरिन्छ । 


ठूला पर्व दशैं, तिहार मनाउनुअघि पतिृलाई श्रद्धापूर्वक सम्झना गरिने वैदिक परम्पराअनुसार सोह्रश्राद्ध गरिने धर्मशास्त्रीविद् बताउनुभयो । 


नेपाल पञ्चाङ्ग निर्णायक समितिले यस वर्षको बडादशैँको टिका ११ बजेर ५५ मिनेटपछि लगाउनु उत्तम रहेको जनाएको छ । 


विजया दशमीका दिन बिहान ८ बजेर १ मिनेटमा देवी विसर्जन गर्ने शुभ साइत रहेको र सोही दिन मध्यान्न ११ बजेर ५५ मिनेटपछि टीका लगाउने उत्तम साइत रहेको नेपाल पञ्चांग निर्णायक समितिका अध्यक्ष प्रा.डा.रामचन्द्र गौतमले बताउनुभयो । 


पञ्चांग निर्णायक समितिले असोज ५ गते बिहीबार आश्विन शुक्ल प्रतिपदाका दिन बिहान ९ बजेर ४१ मिनेटमा घटस्थापना गर्न शुभ साइत रहेको जनाएको छ ।