भ्रष्टाचारीले चुनाव लड्न पाउनुपर्ने माग चुनावमा गइहाल्नुपरेकाले फिर्ता -बिमलेन्द्र निधि

Posted on: September 04, 2017 | views: 169

काठमाडौं ।

प्रजातन्त्र, उदारवाद र समाजवादको नारा जपेर भ्रष्टाचारीले पनी चुनाव लड्न पाउनुपर्ने अडान राख्दै आएको नेपाली कांग्रेसले त्यस्तो माग फिर्ता लिएको छ ।


जनबिरोध बढ्दै गएपछि भ्रष्टाचारी ठहर भइसकेकालेपनि चुनावमा लड्न पाउनुपर्ने माग राखेर निर्वाचन कानुन बनाउनै नदिएर अड्काएका काँग्रेसका सांसदहरुले भ्रष्टाचारीलाई पनि चुनाव लड्न दिनु पर्ने संशोधन फिर्ता लिएका हुन् ।


काँग्रेसका कारण अड्कीएको निर्वाचन सम्वन्धि बिधेयक उसले गलत माग फिर्ता लिएपछि राज्य व्यवस्था समितिले प्रदेशसभा र प्रतिनिधिसभा सम्वन्धी दुबै विधेयक पास गरेको छ ।


राज्य व्यवस्था समितिको सोमबार बैठकमा कांग्रेस सांसदहरुले संशोधन फिर्ता लिएका हुन् । संविधान कार्यान्वयन गर्दै चुनावमा जानु पर्ने अहिलको मुख्य कार्यभार भएकाले संशोधन फिर्ता लिएको कांग्रेस नेता विमलेन्द्र निधिले बताए ।


सरकारले ल्याएको विधेयकमा भ्रष्टाचारी ठहर भएकालाई आजीवन चुनाव लड्न रोक लगाउने व्यवस्था प्रस्ताव गरिएको थियो । तर, कांग्रेसका १९ सांसदले भ्रष्टाचारको सजाय पाएको ३ वर्षपछि चुनाव लड्न पाउनु पर्ने भन्दै संशोधन हालेका थिए । यही कारण विधेयक अड्किएको थियो ।


सरकारले प्रदेश र प्रतिनिधिसभाको चुनाव मंसिर १० र २१ गरी दुई चरणमा गर्ने निर्णय गरिसकेको छ । तर, निर्वाचन सम्वन्धी कानुन नभएकाले चुनावको तयारी प्रभावित भएको भन्दै आयोगले ताकेता गर्दै आएको थियो ।