दुई नम्बर प्रदेशमा उच्चस्तरीय अनुगमन टोली, गृहमन्त्री भन्छन्-'ढुक्क भएर भोट हाल्नुस्'

Posted on: September 02, 2017 | views: 153

काठमाडौं ।

आगामी असोज २ गते हुने २ नम्बर प्रदेशका ८ जिल्लाका १३६ स्थानीय तहको निर्वाचनको समग्र तयारीको अवस्था, सामग्री व्यवस्थापन, निर्वाचन आचारसंहिताको पालना र सुरक्षा बन्दोबस्त लगायत बारे स्थलगत अनुगमन गर्न आयोगका आयुक्तहरू ती जिल्लामा जानुभएको छ । 


अनुगमनका क्रममा उहाँहरूले सम्बन्धित जिल्लास्थित कार्यालयका प्रमुखहरू, राजनीतिक दलका प्रतिनिधि, सञ्चार माध्यम, नागरिक समाज लगायतसँग छलफल र अन्तत्र्रिmया समेत गर्नुहुने कार्यक्रम रहेकको छ ।


ढुक्क भएर मतदान गर्न गृहमन्त्रीको आग्रह

बारा ।

गृहमन्त्री जनार्दन शर्माले स्थानीय तह तेश्रो चरणको निर्वाचनमा ढुक्क भएर मतदान गर्न प्रदेश नम्बर २ का सबै मतदातालाई आग्रह गर्नुभएको छ । 


सिमरा विमानस्थलमा आज पत्रकारहरुसँग कुरा गर्दै शर्माले प्रदेश नम्बर २ का मतदातालाई आवश्यक सुरक्षाको समग्र व्यवस्था मिलाईएको र निर्वाचनको सम्पुर्ण तयारी पुरा भएको भन्दै ढुक्क भएर मतदान गर्न प्रदेश नम्बर २ का मतदातालाई आग्रह गर्नुभयो ।