'निर्वाचन समयमै हुन्छ ढुक्क हुनुस्'-प्रधानमन्त्री

Posted on: August 31, 2017 | views: 118

धनगढी ।

प्रधानमन्त्री शेर बहादुर देउवाले प्रतिनिधी सभा र प्रदेश सभा सदस्य निर्वाचन तोकिएकै समयमा हुने बताउनु भएको छ ।


आज धनगढी बिमानस्थलमा पत्रकारहरुसग कुरा गर्दै प्रधानमन्त्री देउवाले भन्नुभयो मुलुक निर्वाचनमय भएको छ, निर्वाचन सयमै हुन्छ ढुक्क हुनुहोस्। 


प्रधानमन्त्री देउवाले महाकाली नदीमा चार लेनको पुल निर्माणपछि यस क्षेत्रका समग्र बिकासका फड्को मार्ने उल्लेख गर्नुुहुदै पंचेश्वर जलबिद्युत आयोजनाको काम अघि बढ्ने बताउनु भयो ।

संचारक्रर्मीको जिज्ञासमा काग्रेस सभापति समेत रहनु भएका प्रधानमन्त्री देउवाले आवश्यकता अनुसार अन्य दलहरुसंग चुनावी तालमेल हुन सक्ने बताउनु भयो ।