कोरिया आएका दुई महिनामै नेपाली युवाको निधन

Posted on: July 12, 2017 | views: 304

सोल ।

दक्षिण कोरिया रोजगार अनुमति प्रणाली इपिएस मार्फत आएका एक नेपाली युवाको आएको दुई महिनामै निधन भएको छ ।


कोरियाको जेजुस्थित तबेलामा कार्यरत स्याङ्जा वालिङका रामचन्द्र पंगेनीको बुधवार निधन भएको हो ।


अन्दाजी २६ बर्षीय पंगेनीको निधनको जानकारी दूतावासले नेपालमा रहेका उहाँका परिवारलाई गराएको बताएको छ ।


कृषि क्षेत्र अन्तर्गतको घोडा हेर्ने तबेलामा अन्य एक नेपाली पनि कार्यरत रहेको बुझिएको छ ।

कोरियामा पछिल्लो समय डिप्रेसनमा परेर आत्महत्या, कार्यस्थल दुर्घटना, सडक दुर्घटना, सुतेको अवस्थामा ज्यान गुमाउने नेपालीको संख्या अत्यधिक बढिरहेको छ । 


सन २००८ यता विभिन्न घटनामा परी एक सय २० भन्दा बढी नेपालीले ज्यान गुमाइसकेको बताइन्छ ।


कोरिया आएका नेपाली युवाहरुले आफ्नो योग्यता अनुसार र रुची भन्दा बाहिरको काममा खटिनुपर्दा निरास हुने क्रम बढेको युवाहरु बताउँछन् ।