कोरियाबाट नेपाल फर्कने लागेका एक युवाको निधन

Posted on: April 27, 2017 | views: 185

सोल ।

नेपाल फर्कने तयारीमा प्लेनको टिकट समेत लिइसकेका एक युवाको दक्षिण कोरियामा निधन भएको छ । 


पाँच बर्षदेखी कोरियामा काम गर्दै आएका करिव ३१ बर्षिय कल्याण राईको बिहिबार निधन भएको हो ।


खोटाङको चिप्लिङ घर भएका राई चार बर्ष १० महिनाको भीसा अवधि पूरा गरी आगामी बैशाख २९ गते स्वदेश फर्कने तयारीमा थिए ।


दक्षिण कोरियाको ख्वाङजिस्थित धागो कारखानामा काम गर्दै आएका राईको कम्पनीले उपलब्ध गराइएको कोठामै सुतेको अवस्थामा निधन भएको हो ।


राई ढिलोसम्म पनि नउठेपछि साथीले उठाउन जाँदा मृत अवस्थामा फेला पारिएको कम्पनीका नेपाली कामदारहरुले बताएका छन ।


सियोलस्थित नेपाली राजदूतावासमा राईको निधनका बारेमा अनौपचारिक जानकारी आएको कार्यवाहक राजदूत किरण शाक्यले जानकारी दिनुभयो । राईको शवलाई पोष्टमार्टमका लागि प्रहरीले अस्पतालमा पुरयाएको छ ।