आप्रवासी नेपाली घरेलु कामदारको सम्मेलन सुरु

Posted on: April 06, 2017 | views: 415

काठमाडौँ ।

पौरखी नेपालको आयोजनामा ‘आप्रवासी नेपाली घरेलु कामदार’को राष्ट्रिय सम्मेलन आजदेखि काठमाडौंमा सुरु भएको छ ।


दुईदिन चल्ने सम्मेलनको श्रम तथा रोजगारमन्त्री सूर्यमान गुरुङले आज काठमाडौंमा उद्घाटन गर्नुभयो ।


सम्मेलनले वैदेशिक रोजगारीमा जाने घरेलु कामदारको वर्तमान अवस्था र आगामी दिनमा गर्नुपर्ने कामका सम्बन्धमा विस्तृत छलफल गरी प्राप्त सुझाव सरकारलाई दिने आयोजकले बताएका छन् ।


मन्त्री गुरुङले अहिलेको अवस्थामा घरेलु कामदारका रुपमा पठाउँदा विभिन्न समस्या आएकोले त्यसलाई व्यवस्थित गर्न मन्त्रालय लागिरहेको बताउनुभयो ।