अष्ट्रेलियाले फास्ट फुड कम्पनीमा बिदेशी कामदारलाई भिषा नदिने

Posted on: March 02, 2017 | views: 282

अष्ट्रेलिया ।
अष्ट्रेलियाले वर्किङ भिसामा बिदेशीलाई कडाई गर्ने संकेत दिएको छ । उसले पहिलो चरणमा बिदेशी कामदारलाई फास्टफुड कम्पनीको लागि भिषा नदिने घोषणा गरेको छ ।

अष्ट्रेलियाका इमिग्रेसनमन्त्री पिटर डटनले फास्ट फुड इन्डस्ट्रीमा विदेशी कामदारलाई भिसा नदिने बताएका हुन् ।

अष्ट्रेलियाको यो घोषणापछि सबैभन्दा धेरै भारतीय प्रभावित हुने बताइएको छ । अष्ट्रेलिया पुग्ने एक चौथाई भारतीय वर्किङ भिसामा आउनेगरेका छन् ।

अष्ट्रेलियालीलाई रोजगारीमा अवसर दिन चालिएको बताइएको यो कदमबाट नेपालीहरु समेत प्रभावित हुने देखिएको छ ।

अष्ट्रेलियामा सन् २०१२ देखि यता बहुराष्टिय फास्टफुड कम्पनीहरु म्याकडोनल्ड्स, केएफसी, हंग्री ज्याक्स लगायतले करिव ५ सय बिदेशीलाई वर्किङ भिसा दिएको पाइएको छ ।

४ बर्षसम्मको लागि दिइने ४५७ नामले चिनिने यो भिषामा अष्ट्रेलिया आउनेमा सबैभन्दा बढी भारतीय र त्यसपछि बेलायती र चिनियाँ रहेका छन् ।