एनआरएन प्यासिफिक सम्मेलन मार्च १८ र १९ मा मलेसियामा

Posted on: February 16, 2017 | views: 161

काठमाडौं ।
गैर आवासिय नेपाली संघ एनआरएनएको एसिया प्यासिफिक क्षेत्रिय सम्मेलन आगामी मार्च १८ र १९ तारिखमा मलेसियामा हुने भएको छ ।

‘समृद्ध राष्ट्र निमार्णका लागि दक्ष जनशक्ति भन्ने मुल नारा सहित एसिया प्यासिफिक क्षेत्रका १५ बढि राष्ट्रका एनसीसी अध्यक्ष लगायतका प्रतिनिधिहरुको सहभागिता मलेसियाको राजधानी क्वालालाम्पुरमा सम्मेलन हुने भएको हो ।

करिव पाँच व्यक्तिको सहभागिता रहने कार्यक्रममा पहिलो दिन विभिन्न देशका प्रतिनिधिबिच मैत्रिपूर्ण फुटसल खेल हुने भएको छ ।

सम्मेलनमा नेपालको समृद्धिका लागि दक्ष जनशक्ति निमार्णमा गैरआवासीय नेपाली सहित सरोकारवालाहरुले निभाउनु पर्ने भुमिकाका वारेमा विशेष छलफल भएर दोस्रोदिन सम्मेलन सकिने बताइएको छ ।

बिजेताले १० लाख जापानी येन पुरस्कार पाउने ‘एसिया प्यासिफिक फुटसल २०१७’ माउपविजेताले तीन लाख येन पुरस्कार पाउने छ ।

कार्यक्रम होटल ग्राण्ड कन्टीनेन्टल क्वालालाम्पुरमा हुने छ भने कतिपयले पछिल्लो समय हुनेगरेका यस्ता सम्मेलनहरु एनआरएनको भावि नेतृत्वका लागि मतमाग्ने थलो र आफ्नो पक्षमा पार्न कसरतहरु हुने गरेको बताउँदै आएका छन् ।

सम्मेलनमा एसिया प्यासिफिक क्षेत्र मातहतका राष्ट्रहरुको प्रतिबेदन प्रस्तुत गरिनुका साथै एनआरएनए अध्यक्ष सहित शिर्ष नेतृत्वको सहभागीता रहने छ भने कार्यक्रममा नेपाल सरकारका परराष्ट्र मन्त्री प्रकाशशरण महत प्रमुख अतिथिका रुपमा जाने भएका छन् ।