दुबईमा सुरक्षा गार्डको तलब बृद्धि, नेपालीपनि लाभान्वित

Posted on: January 27, 2017 | views: 526

दुबई ।
दुबईमा सुरक्षा गार्डको रुपमा काम गर्नेहरुको तलब बृद्धि हुने भएको छ । यो संगै हजारौंको संख्यामा सुरक्षा गार्डको रुपमा काम गर्ने नेपालीहरुपनि लाभान्वित हुने भएका छन् ।

नयाँ कानुन अनुसार सेक्युरिटी गार्डको तलब १४४० दिराम बाट बृद्धि भई १९२० दिराम पुग्ने छ ।

 ‘सेक्युरिटी इन्डस्ट्री रेगुलेटरी अथोरिटी’ 'सिरा' का अनुसार सुरक्षा गार्डहरुको मासिक न्यूनतम तलबमा अब न्युनतम १९२० हुनेगरि बृद्धि गरिने भएको छ ।

साथै कम्पनीहरुले सुरक्षा गार्डलाई राम्रो फिटनेश तालिम पनि दिनु पर्ने नियम राखिएको छ ।

दुबईमा मंगलबार आयोजित सुरक्षा सम्मेलनमा सिराका कार्यकारी निर्देशक खालिफा अल सेलिजले कमजोर तलबमानले कालान्तरमा सुरक्षा सेवाको गुणस्तर कमजोर बनाउने भन्दै समयमै तलवमान बढाउने निर्णय गर्नुपरेको बताएका छन् ।

‘हामी राम्रो गुणस्तर चाहन्छौं र सुरक्षा गार्डहरुलाई दुबईमा गर्व गर्ने बनाउँछौं । तर, उद्योगहरुलाई समय दिनुपर्छ, उनले भनेका छन् ।

सिराका कार्यकारी निर्देशक सेलिजले नयाँ तलबमान लागू गर्ने समयसीमा यो महिनाको अन्त्यसम्म तोकिएको जनाएका छन् ।