गायम यमबुद्धद्धारा आत्महत्या ! परिवारका सबै प्रहरी नियन्त्रणमा (भिडियो सहित)

Posted on: January 14, 2017 | views: 2812

लण्डन ।
नेपाली युवामाझ लोकप्रिय र्यापर तथा पप गायक यमबुद्धका नामले चिनिएका अनिल अधिकारी मृत भेटिएका छन् ।

समाचार अनुसार शौचालयमा मृत भेटिएका यमबुद्धले आत्महत्या गरेको ठानिएको छ ।

यमबुद्ध शौचालयमा मृत भेटिएको र उनले आत्महत्या गरेको उनका परिवारका सदस्यहरुले बताएको बिबिसी नेपाली सेवाका भगिरथ योगिले बताएका छन् ।

यसको पुष्टि हुन भने बाँकी रहेको छ ।

धरानमा जन्मिएका यमबुद्ध सपरिवार पछिल्लो समय लण्डनमा बस्दै आएका थिए । एकादेश, पागलपन, अन्त्यको सुरुवात, फुटपाथमा मेरो घर लगायत दर्जनौं गित लोकप्रिय छन् ।

उनले पछिल्लो समय हलिउड र बलिउडका गायकहरुसँग मिलेर समेत म्युजिक भिडियो बनाएका थिए ।

र्याप र पपगितमा मात्र सिमित रहेपनि यमबुद्धले प्रेम र आधुनिकसँगै परिवर्तन, सचेतना तथा अनाथहरुमा केन्द्रित रहेर आफ्ना गित रचनाहरु गाउने गरेका थिए ।

गायक यमबुद्धको निधनको खवरले सामाजिक सञ्जालमा उनका फ्यान तथा कलाकारिता क्षेत्रका व्यक्तिहरुले आश्चर्य व्यक्त गर्दै श्रद्दाञ्जली व्यक्त गरिररहेका छन् ।

परिवारका सदस्यहरुले यमबुद्ध बिहान ३ बजे मृत अवस्थामा शौचालयमा भेटेको बताएका छन् ।

२९ बर्षिय युवा गायक यमबुद्धको शव हाल नर्थविच पार्क अस्पतालमा राखिएको र पोष्टमार्टम हुन बाँकी रहेको बताइएको छ ।

प्रहरीले यमबुद्धका परिवारका सदस्यहरुसँग सोमबार मात्रै सम्पर्क गर्न सकिने भन्दै नियन्त्रणमा लिएकाले थप जानकारी आउन सकेको छैन ।

परिवारका सदस्यहरुले यमबुद्धको मृत्यु आत्महत्या भनेकाले पोष्टमार्टम रिपोर्ट नआउनुअघिसम्म आत्महत्या नै भएको आशंका गरिएको छ ।

तर त्यहाँको प्रहरीले भने आत्महत्यामा आशंका व्यक्त गर्दै सबैलाई नियन्त्रणमा लिएर अनुसन्धान गरिरहेकाले मृत्युको खास कारण पुष्टि भएको छैन ।