अमेरिकामा कारको ठक्करबाट फेरी एक नेपाली महिलाको मृत्यु

Posted on: December 20, 2016 | views: 364

क्यालिफोर्नीया ।
अमेरिकामा यो साता सवारी दूर्घटनामा परी मृत्यु हुने नेपालीको संख्या अपत्यारिलो ढंगले बृद्धी भएको छ ।

दुई किशोरीको सवारी दूघटनामा मृत्यु भएको घटना सेलाउन नपाउँदै अमेरिकाको क्यालिफोर्निया राज्यको सान् डियगोमा एक नेपाली महिलाको कार दुर्घटनामा परी मृत्यु भएको छ ।

समाचार अनुसार शनिबार डिसेम्बर १७ को राती ११ बजेर ४५ मिनेटमा नेपाली महिला३८ बर्षीय सरिता शाक्यको मृत्यु भएको हो ।

त्यहाँका फाक्स न्यूज सान् डियगो डट कम, प्याच डटकम लगायतले प्रहरीलाई उदृत गरि लेखे अनुसार मृतक शाक्य स्वस्थ्य परिचारिका पेशामा संलग्न थिइन् ।

दिउँसोको समयमा छोरीसंग समय दिने र राति काम गर्न रुचाउने उनी सो रात पनि छोरीलाई घरमा छोडेर गएकी सीबीएस ८ को समाचारमा उनका छिमेकीले भनेको कुरा समेटेर लेखिएको छ ।

समाचार अनुसार मादक पर्दाथ सेवन गरेका चालकले गलत मार्गमा बिपरीत दिशामा कार कुदाउँदा सो दुर्घटना भएको हो ।

मादक पदार्थ खाएकी ३४ बर्षीय महिलाले चराएको सो कारले ४ एस ऱ्यांच क्षेत्रको बाटोमा ठक्कर दिएकी थिइन ।

प्रहरी अधिकृतका अनुसार दसर्घटना गराउने ती महिलाको नाम अझै सार्बजनिक गरिएको छैन ।

उनले राति ११ बजेर ४५ मिनटमा गलत मार्गतर्फ आफ्नो गाडी चलाउँदा मृतक शाक्यले चलाई रहको टोयोटा कोरोला कारलाई ठक्कर दिएकी थिइन । त्यसपछि मृतक शाक्यले चलाइरहेको गाड़ीमा आगो लागेको थियो । शाक्यको चार बर्षकी छोरी रहेकी छिन् ।

मादक पदार्थ खाएर गाडी चलाउने महिलालाई पक्राउ गरिएको प्रहरीले बताएको छ ।