सिएनएन हिरोहरुलाई हराउँदै पुष्पा बस्नेत सिएनएन सुपर हिरो

Posted on: December 12, 2016 | views: 986

काठमाडौं ।
जेलमा परेका परिवारका बालबालीको सेवामा क्रियासिल पुष्पा बस्नेत सिएनएन सुपर हिरो बन्न सफल भएकी छिन् ।

अमेरिकी टेलिभिजन सिएनएनले प्रदान गर्ने सिएनएन हिरो उपाधिका अन्य चार प्रतिस्पर्धिलाई पछि पार्दै पुष्पाले सिएनएन सुपरहिरोको पुरस्कार पाएकी हुन् ।

सामाजिक सञ्जाल फेसबुक र ट्वीटरमार्फत मनोनयनमा परेका पाँचजना मध्येबाट भोटिङका आधारमा बस्नेत सुपर हिरो बन्न सफल भएको बताइएको छ ।

आयोजकले सिएनएन हिरो अवार्ड प्रदान गरेको १० बर्ष पुगेको अवसरमा १० बर्षमा हिरो बन्नसफल मध्येबाट पाँच जनालाई छानेर सुपरहिरो प्रतिस्पर्धा गराएको थियो ।

पुष्पा बस्नेतले सिएनएन सुपर हिरोको उपाधि सहित ५० हजार अमेरिकी डलर नगद समेत पुरस्कार पाएकी छिन् ।

पुस्पा बस्नेत प्रारम्भिक बाल विकास केन्द्र र पुतली घर नामक संस्था सञ्चालन गर्दै आएकी छिन् ।

२०१२ मा सीएनएन हिरो घोषित बस्नेतले त्यतिबेला समेत ५० हजार डलर पुरस्कार प्राप्त गरेकी थिइन् ।

उनले सन् २००८ की लीज म्याककार्टनी, २००९ का इफरिन फेनाफ्रलोरिडा, सन् २०१ की रोविन लिम र सन् २०१३ का चाड प्रिजेकलाई पछि पार्द अवार्ड हात पारेकी हुन् । पुष्पाले सन् २०१२ मा सीएनएन हिरो अवार्ड जितेकी थिइन् ।