अमेरिका आएर पनि मिनेन्द्र रिजालले भारतको बचाउ गरे

Posted on: November 14, 2016 | views: 619

कोलोराडो ।
नेपाली काँग्रेसमा समानुपातीक तर्फबाट सभासद र सांसद हुँदै मन्त्री बन्दै आएका मिनेन्द्र रिजालले अमेरिका आएर पनि भारतको बचाउ गरेका छन् ।

कांग्रेसका केन्द्रिय सदस्य समेत रहेका रिजालले भारतलाई दोष लगाएर नेपालका सबै समस्या समाधान नहुने यहाँ बताएका हुन् ।

नेपाली काँग्रेस सम्वद्ध नेपाली जनसंम्पर्क समिती कोलोराडो च्याप्टरको आयोजनामा भएको अन्तक्रिया कार्यक्रममा बोल्दै रिजालले भारतलाई दोस दिन नहुने बताएका हुन् ।

नेपालको संविधान संशोधन, मधेशको माग, नेपालको बैदेशीक नीति, भुकम्प पिडीतलाई राहत, भारतीय राष्ट्रपति आउदा दिइएको सार्वजानिक बिदा, नेपालबाट यूवाहरु पलायन हुनुपर्ने अवस्था, दोहोरो नागरिकता र नेपाली कांग्रसको आगामी रणनितीका बारेमा सहभागीहरुले रिजाललाई प्रश्न गरेका थिए ।

अधिकाशं प्रश्नका उत्तर आलटाले जवाफ दिएका रिजाल उपस्थित कार्यक्रममा नेपाली जनसम्पर्क समिति अमेरिकाका उपाध्यक्ष धर्मराज श्रेष्ठ, नेपाली कांग्रेस गोरखाका पूर्व जिल्ला सभापति तथा जनसम्पर्क समिती अमेरिकाका सल्लाहकार बुद्धी लामीछाने, नेपाली जनसम्पर्क समितिका पूर्व केन्द्रिय सदस्य जगन्नाथ गौतम, रकी माउन्टेन फ्रेन्डस् अफ नेपालका अध्यक्ष शरद आचार्य, नेपाली घरका अध्यक्ष योगराज गौतम, तमुधी कोलोराडोका अध्यक्ष चन्द्र गुरुङ, एनआरएन कोलोराडोका अध्यक्ष बासुदेव खनाल, नेवा खलका अध्यक्ष प्रेमकाजी श्रेष्ठ, यूएस नेपाल न्यूजका बिकल पराजुली गजेन्द्र अधिकारी लगायत सहभागी थिए ।

नेपालमा कस्तो काम गरेर बस्न भनेर केही भन्न नसकेपनि नेताहरुको भाषण शैलिमा युवालाई स्वदेशमै बसेर सृजनशिल काम गर्न आग्रह गरेका रिजालले संक्रमणकाल अझै बढ्न सक्ने बताए ।

पछिल्लो पटक कृष्ण प्रसाद सिटौला खेमाबाट सञ्चारमन्त्री हुँदा समेत युवती काण्डदेखी सरकार नियन्त्रीत सञ्चारमाध्यममा काँग्रेसी कार्यकर्ताको नियुक्ती र दबावको चर्को बिरोध खेपेका रिजाल काँग्रेस भित्र भारत निकट नेताका रुपमा चिनिन्छन् ।

रिजाल पुष्पकमल दाहाल प्रधानमन्त्री हुने समयमा काँग्रेसबाट मन्त्री बन्न सहयोग गर्न भन्दै भारतीय दूतावासमा धाउने काँग्रेस नेताहरुको सूचीमा समेत थिए ।
स्मरणीय छ गत महाधिवेशनमा काँग्रेसबाट सभापतीमा भारतीय ईशारामा उठेको स्वयं काँग्रेस कार्यकर्ताहरुको आरोप खेप्दै आएका कृष्ण प्रसाद सिटौलाकै प्यानलमा रिजाल उभिंदै आएका छन् ।