जम्मु कश्मीर गोलाबारीमा भारतीय सेनाका नेपालीको मृत्यु

Posted on: November 02, 2016 | views: 538

१७ कार्तिक, काठमाडौं ।
भारतीय सेनामा जागिर खाएका एक नेपालीको जम्मु कश्मीरको सीमा रेखामा भएको गोलाबारीमा परि मृत्यु भएको छ ।

जम्मूका भारतीय सेनाका प्रवक्ता मनिस मेहताका अनुसार सोमबार राजोउरीमा भएको गोलाबारीमा एक सैनिक र एक महिलाको मृत्यु भएको हो ।

मृत्यु हुने सैनिकमा गोर्खा राईफल्समा कार्यरत सुनसरी धरानका २० वर्षीय बिमल तामाङ रहेको बताइएको छ ।

भारतीय अधिकारीहरुका अनुसार १८ जनाको ज्यान जाने गरी भएको उरी घटनापछि जम्मु कश्मीरको नियन्त्रण रेखामा भएका गोलाबारीमा अहिलेस्म्म ८ सुरक्षाकर्मी र चार नागरिकको मृत्यु भएको छ ।