पासपोर्ट र बिदेशस्थित नियोगहरुबाट नेप्लिज शब्द हटाइने

Posted on: September 26, 2016 | views: 879

१० असोज, न्यूयोर्क ।
संयुक्त राष्टसंघको ७१ औं महासभामा भाग लिन अमेरिका आएका परराष्ट्रमन्त्री डा. प्रकाशशरण महतले ‘नेप्लिज’ शब्द हटाएर नेपाली प्रयोग गर्न सबै कुटनीतिक नियोगहरुलाई आग्रह गरेका छन् ।

मन्त्री महतले नेप्लिज शब्दलाई हटाएर ‘नेपाली’ नै प्रयोग गर्ने आफ्नो निर्णयलाई मन्त्रिपरिषदमा लैजाने तयारी गरेको समेत बताएका छन् ।

नेपाल अमेरिकी पत्रकार संघ'नेजा'ले न्युयोर्कमा आयोजना गरेको पत्रकार सम्मेलनमा डा.महतले तत्कालका लागि विश्वभर रहेका नेपाली राजदूतावास, कूटनीतिक नियोग, कन्सुलेट अफिसहरुलाई यस निर्णयबारे परिपत्र गरिसकेको बताएका छन् ।

मन्त्री महतले भने ‘मैले भाषाविद्हरुसंग पनि यसबारे छलफल गरेको थिएँ र उहाँहरुले यो कुरा सहि भएको सल्लाह दिएपश्चात मैले यो निर्णय गरेको हुँ, नेप्लिज भन्नुभन्दा नेपाली भन्दा हृदय छुन्छ ।’

मन्त्री महतले नेपाल सरकारले जारी गरेको हालको पासपोर्टमा ‘नेप्लिज’ भएपनि अब नयाँ छापिने पासपोर्टमा łनेपाली’ हुने  बताए ।