कुमार लामा सेनाको निर्देशन अनुसार बेलायतको पीआर त्यागेर नेपाल फर्कीए

Posted on: September 20, 2016 | views: 634

४ असोज, काठमाडौं ।
युद्ध अपराध मुद्दामा बेलायतको जेल भोगाइबाट सफाइ पाएका नेपाली सेनाका महासेनानी कुमार लामा बेलायतको पीआर त्यागेर नेपाल फर्कीएका छन् ।

बेलायतको आवासीय अधिकार ९आईएलआर० नेपाली सेनाकै निर्देशनात्मक सुझाव अनुसार त्यागेर उनि फर्कीएको बुझिएको छ ।

अन्नपूर्ण पोष्टमा प्रकाशित समाचारमा बेलायतमा आफू माथिका यातनासम्बन्धी मुद्दामा सफाइ पाएलगत्तै लामा यहाँको पीआर त्यागेर सोमबार साँझ नेपाल फर्किएको लन्डनस्थित नेपाली दूतावास स्रोतले बताएको उल्लेख छ ।

टपनेपालन्युजडटक श्रोतका अनुसार लामालाई छुटाउन सरकारले करोडौं रुपैयाँ खर्चंदा र देशभित्र उनको पक्षमा जनमत भएको अवस्थामा उनले पिआर लिएरै नेपाल आउँदा त्यसले नेपाली सेनामाथिनै प्रश्न उठ्ने देखिएपछि नेपाली सेनाकै निर्देशन अनुसार लामा पिआर त्यागको लागि निबेदन लेखेर नेपाल फर्कीएका हुन् ।

लामाले गत साता आफ्नो पीआर रद्द गरिदिन दूतावासमा निवेदन दिएका थिए । दूतावासले लामाको निवेदनबमोजिम होम अफिस 'गृह मन्त्रालय' लाई पीआर भिजा रद्द गरिदिन आग्रह गरेकामा होम अफिसले प्रक्रिया अगाडि बढाइएको जनाएको अन्नपूर्णले स्रोतले उल्लेख गरेको समाचारमा लेखेको छ ।

गृहले काठमाडौंस्थित ब्रिटिस दूतावासमार्फत गर्न सकिने विकल्प समेत दूतावासलाई प्रस्तुत गरेको थियो । ‘हामीले लामाले स्वेच्छाले पीआर त्याग्न गरेको आग्रहबारे जंगी अड्डामा समेत अवगत गराइसकेका छौं,’ दूतावास स्रोतले भन्यो, ‘व्यक्तिगत भन्दा दूतावासमार्फत आवेदन दिँदा बलियो प्रमाण हुने भएर लामाले त्यसो गरेको हुनुपर्छ ।’

बेलायतमा कुनै आपराधिक क्रियाकलाप गरे वा लगातार दुई वर्षभन्दा बढी समय यूकेबाहिर रहे यहाँको आवासीय अधिकार रद्द हुने प्रावधान भए पनि लामाले स्वेच्छाले त्याग्न निवेदन दिएका हुन् । लामा दूतावासबाट ट्राभल डकुमेन्ट बनाएर नेपाल फर्किएका हुन् ।