साउदीमा तलबको साटो उल्टै कुटाइ खाएर अलपत्र नेपालीको उद्धार

Posted on: September 16, 2016 | views: 357

३१ भदौ, काठमाडौं ।
साउदीमा अलपत्र परेका पीडितहरुको महानगरीय अपराध महाशाखाको बिशेष पहलमा साउदी स्थित नेपाली दुतावास तथा अन्य सम्बन्धित सरोकारवाला निकायसँगको समन्वयमा बुधबार उद्दार गरी नेपाल ल्याइएको छ ।

कर्णाली मेनपावर नेपालगंज बांकेमार्फत साउदी स्थित हासा एल दोस्सिरी फोमे साउदीमा राम्रो काम र तलब पाईन्छ भनी बर्दीया जमुनि सितापुरका देवबहादुर कंडेल, मुगु हयागुलका रनबहादुर रोकाया, बाँके नेपालगंजका मोहमद आरुन खान, निसार खान, बर्दीया शिवपुरका खगेन्द्र नाथ योगी , बाँके मनिकापुरका लिल बहादुर रोक्कामगर र बाँके पुरौनाका मोहमद सबिर खान रहेका छन् ।

उक्त मेनपावर कम्पनीले सम्झौता गरी पठाए अनुसारको काम र तलव नपाएको, तलब माग्न जादा पटक पटक कम्पनीका मानिसबाट कुटाई समेत खानु परेको र काम नदिएको हुँदा, खान बस्न समेत समस्या भएकोले जिवन रक्षा गरी नेपाल फिर्ता गराई पाउँ भनी पिडितहरुले अपराध महाशाखाको हटलाईन नम्बरमा गत साउन ८ गते टेलिफोनद्वारा जानकारी गराएका थिए ।

यस सम्बन्धमा प्रहरीले अन्य आवश्यक अनुसन्धान गरिरहेको जानकारी दिएको छ ।